由MIRROR成員姜濤、柳應廷（Jer）及毛舜筠主演的電影《阿媽有咗第二個》，8月上映時因MIRROR演唱會發生嚴重事故宣佈MIRROR休團兩個月，雖然姜濤與Jer一直未有現身為電影做宣傳，但上映至今港澳票房已衝破4,000萬。隨着MIRROR復工，電影公司方面亦於今晚在尖沙咀舉行慈善觀映禮，姜濤及Jer亦有出席造勢，由於今次是兩人首次為電影宣傳，電影公司亦安排40名保安在現場維持秩序，有粉絲於前一晚通宵等候，活動未開始前已有過千粉絲企滿兩層樓，逼爆商場，更不時大叫姜濤與Jer的名字為兩人打氣。
姜濤與Jer在出席活動前，已率先到戲院謝票，他們感激入場的每一位觀眾，表示大家每睇一次，對他們來說也意義重大。活動上，Jer自爆有偷偷入場看電影，又笑言最初很怕朋友在大銀幕看到自己的樣子，至於身在日本的毛姐則拍短片，笑指要將謝票工作交給兩個仔，「知道票房已過4,000萬，阿媽繼續浸溫泉休息吓，兩個仔要好好慰勞觀眾，我哋香港見。」
【點擊睇《阿媽有咗第二個》謝票靚相】：
姜濤、Jer及導演彭秀慧一起接受訪問，彭秀慧指等了很久才等到大家合體成功，不過今晚就差了毛姐：「之後佢哋決定要出嚟做宣傳嘅時候，大家都已經度期，但毛姐已經買咗機票，當時覺得原來齊人真係咁難。」今日是毛姐生日正日，故姜濤跟Jer也表示有傳訊息給對方講「生日快樂」，提到票房成績，姜濤表示感到滿意：「但唔好意思，要咁耐先出嚟同大家見面，不過就正如首歌，大家都係《風雨不改》咁支持。」
至於Jer亦表示對今次成績感到滿意，又指最重要的是能有更多人入場觀看電影，以及粉絲的支持。問到是否想電影票房可逼近超過7,000萬的《明日戰記》及《飯戲攻心》？彭秀慧就表示自己對票房概念模糊，作為創作者希望電影能多人觀看，最開心的當然是知道香港電影業那麼興旺，她說：「呢套戲同《明日戰記》同《飯戲攻心》片種唔同，我哋比較文藝，其實好難比較。（會唔會開續集？）好怕去諗將來，做好呢件事先，而且啲演員個個都好忙，要度期都好難。」
至於姜濤與Jer如何幫忙谷宣傳，他倆指沒有特別去想，最重要的是大家也是真心喜歡這部電影以及感激fans支持。Jer自演唱會意外後首次公開露面，問到他心情如何？他說：「心情係有啲緊張，但經過呢段時間休息後，都調整好自己心情，而家慢慢出返去做嘢，開始接軌之前嘅工作，跟返公司安排慢慢去做。」
至於首次出席公開活動的姜濤，在拍照時表現得甚為緊張及不自然，他表示自演唱會後也沒見過那麼多人，所以希望大家能理解他有少少緊張，問他是否知道有粉絲通宵排隊等候？他說：「知，希望大家小心身體，健康係最重要。」提到姜濤早前表示30歲後想主攻電影，他說：「的確有呢個諗法，尤其是之前同屋企人去旅行時有思考過前途，自己都想試下另一種專業。」至於Jer則表示鍾意唱歌，所以主力還是做音樂，但亦想間中可以拍戲投入其他角色。有指Jer今次在電影中演出自然，被看好拿新人獎，他就很謙虛地說：「每次睇都覺得自己有不足之處，作為新人亦有很多需要改善嘅地方，最重要係演好角色，有冇獎項係其次。」
【其他閱讀】：
東張西望｜葵涌公園過百老鼠周圍走與曱甴爭食 罪魁禍首係一個阿伯
柏安妮囡囡model身型瘦到見骨 網民驚覺手臂幼到好「脆弱」：癡線
陳浩民豪擲近千萬買3千呎豪宅 供囡囡讀貴族學校學費每年逾10萬
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
