近年有不少人決定移民到外國生活，有港男則在網上發文指，有一個從小「玩到大」的好友，自己見證著對方成家立室，但近日發現對方一早已與妻子決定移民，而其他與他較不相熟的朋友亦知情，但自己卻全然不知，直言「依家個心情仲衰過失戀呀！」
該名港男在香港討論區以「根本唔當我係兄弟」為題發文，提到「有個兄弟由細同佢玩到大」，小學及中學亦就讀同一間學校，直到升上大專才分開讀書。在踏足社會後，兩人在每個月亦會相約用餐至少兩次，即使早前在疫情嚴重時無法堂食，亦會到對方家中吃飯。他指，對方去年求婚成功，原本打算明年年初結婚，「但係突然間話佢哋都係唔擺酒簡單簽紙就算」，自己當時亦特地請假觀看對方簽紙及一同合照，「見到由細玩到大嘅兄弟成家立室真係好開心，我阿媽仲笑我見到兄弟結婚開心到好似自己結婚咁」。
他續指，近日看到對方與妻子正在執屋，兩夫婦在斷捨離期間找到不少回憶，又指不少東西亦無法帶走，因此只能拍照留念再棄置，「畀我見到以前細個同佢影啲相都畀佢擺咗入垃圾袋，好奇問佢係咪要搬屋，佢先同我講佢哋要移民」，並指原來他們在求婚前已經決定好移民，「唔擺酒都係因為想慳錢」。他指，由始至終亦不知道他們計劃移民，但其他較不相熟的朋友卻知情，「我知道呢件事之後覺得佢根本冇當我係兄弟，依家個心情仲衰過失戀呀！」他又指，「最嬲唔係佢哋決定移民唔話我知，而係連啲唔係咁熟嘅人都知反而我係最後一個知」，並指「由細玩到大咁大件事都唔同我講，如果我唔問嘅話可能就要佢走嗰日我先知」。他又直言，自己的心情有點矛盾，「一方面嬲佢冇同我講，另一方面又知依家唔珍惜可以見佢嘅機會，遲啲就好難見」。
相關帖文隨即引起熱議，有網民安慰指「我明白這感受」、「人大咗就註定要分道揚鑣」、「點返首《最佳損友》聽下啦」、「明白你感受，有咗經驗以後咩都會睇淡啲」、「人大咗你會知，天下無不散之筵席」、「睇開啲，你要知道世上沒有一段關係是永恆的，有聚有離」、「咁多年友誼雖然可惜，但人各有志。做朋友咪祝福佢有新開始新生活，開始時會失落唔習慣，好似少咗啲嘢咁，但慢慢就會習慣」等。另有人則指出，「係兄弟的，直接講粗口，話大佬，我好唔開心.......。第時移左民，無機會講仲遺憾」、「兄弟就講啦，佢知你只係短嬲，無野的」、「可能唔知點同你開口呢」等。
帖文來源：香港討論區
