近日有網民上載一條以「過海俾姐姐屈咗50蚊」的影片，指日前駕駛電單車經西區海底隧道過海，其間從褲袋取出一張100元鈔票，以支付25港元隧道費，但收費員僅找回25港元。事主經點算後發現金額有異，於是向職員查問，惟對方堅稱事主僅付50元，隨即透過對講機聯絡辦公室同事翻看CCTV以核實金額。
等候期間，職員故作鎮定，不停「抹吓枱抹吓窗」，而事主後方有多架車輛等待付費，更有車響鞍示意催促。大約2分鐘後，收費員向同事核實後，堅稱事主只付了50元，「唔好意思呀，你真係畀咗$50喎，唔好意思呀」。事主非常無奈，加上當時後方多車輪候，只能先行駛走，事後翻看頭盔攝錄片段，始揭發有人「刻意找錯錢」，並在網上高呼稱「過海俾姐姐屈咗50蚊」。
●了解整個過程●
事主從褲袋取出一張100元鈔票，以支付25港元隧道費。
收費員僅找回25港元。
事主經點算後發現金額有異，於是向職員查問。
電單車行西隧，隧道費只是25元。
等候期間，職員故作鎮定，不停「抹吓枱抹吓窗」。
收費員向同事核實後，堅稱事主只付了50元。
有網民認為今次有車cam片作證，事件已證據確鑿，建議事主可以報警及追討隧道公司。另外，部分人留言表示有同類經歷，直指事件已牽涉詐騙成分，「阿姐嘅行為動作、明顯係身有屎、好緊張，絕對唔係第一次」、「個職員絕對唔係唔小心找錯錢，仲聲稱影到係50，係有心欺詐」、「只要每一個鐘『唔小心』收錯一兩次錢，一日當你番8個鐘，計埋份糧都幾和味」、「片主有晒片做証，一定要幫自己討回公道，並目為民除害。唔係數額大細問題，這是有心欺詐，應報警處理。」、「有片有真相」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
