近年亦不少港人移民到外國。有港男則在網上發文指，在移民後物慾大減，又直言「無咗嗰種好想買嘢食好嘢滿足自己嘅感覺」。帖文隨即引起熱議，並可從網民的留言中歸納出3大原因。
該名港男在連登討論區以「有無人移咗民之後物慾低咗」為題發文，指自己仍在香港的時候「出街會諗著咩衫，點襯法，得閒就買下衫改下自己outfit咁」，並指「又成日出去搵好嘢食」。他續指，但在移民後已有一年未曾購買衣服，「出街完全係頹裝，保到暖就算」，又指在飲食方面，「大部分時間都係自己煮，粗茶淡飯」，並直言「無咗嗰種好想買嘢食好嘢滿足自己嘅感覺」。
請點擊組圖瀏覽：
相關帖文隨即引起熱議，有人留言指「咁生活，心情係好咗定唔好咗」、「物慾係會漸漸麻木，冇窮冇盡咁增加，平淡是福」、「根本就應該係咁」、「生活簡單咗，人自然都開心埋」等。有其他已移民的網民則指，「出街食同買衫係少咗，又遠又貴，自己煮平好多又新鮮，但遊戲機支出大咗，買咗兩部新主機，又要subscribe月費plan，又要買game」、「移民後行街行得最多就係超市，食材款式多，同埋成日諗整咩嘢食」、「反而買多咗嘢，因為太得閒」、「我都係，但開心咗，生活好似簡單咗好多」等。
相關新聞：
Juicy叮｜好兄弟移民自己竟最後一個知 港男：心情衰過失戀：https://bit.ly/3TZtJrO
Juicy叮｜兩次強檢無影朋友被揭全家移民沒收公屋 網民:後路都無埋：https://bit.ly/3Vj21qZ
Juicy叮｜賣樓移英半年難適應新環境 港人欲回流陷兩難惹議：https://bit.ly/3Vm0r80
港人移民留下住公屋長者 1原因或無法轉為戶主 房署咁樣講.......：https://bit.ly/3XuwDHZ
另外，網民的留言大致可歸納出3大原因。有人指出是因為兩地文化及生活習慣不同，並指「係香港人太多一出街自然會評頭品足，先會令到香港人咁著重外表，外國生活一嚟文化背景同審美唔同，二來大部分都係隨意落樓look出街根本冇人care，自然是是但但出街都唔會唔舒服」、「外國啲人著衫係功能性多過外觀」、「雖然冇再花錢落去衫褲，但係鍾意花錢落去佈置整靚間屋，鍾意買園藝工具，裝修工具」等。
有人則認為是因為收入減少，「主要係窮咗」、「係咪因為經濟困難咗咋，生活質素下降，係得番叫做自由」、「係因為你窮咗搵錢少咗」、「無錢又低人工，點有物慾」、「簡單一句即係無錢」、「主要因為搵少咗，稅交多咗，消費品又要稅，根本無乜多餘錢消費」等。
另有人則認為是外國的價值觀與香港不同，而壓力亦較細，並指「因為購物慾好多時係壓力引起」、「香港社會有少少扭曲」、「物慾係因為你身處一個有比較所以高壓既環境，以前唔覺，但係嚟咗外國之後發現香港其實係一個好畸形嘅地方，由讀書開始已經個個喺度比較，你要好注重自己，一有少少唔對路就好多人會評論你（我果個年代讀書係咁）」，並指「出咗嚟社會，個個都要着名牌，揸靚車」，「總之由細到大都係一個大家互相評頭品足，導致好大壓力既環境」。相反，「外國好多城市一來冇咁繁榮，又或者人地嘅價值觀就係咁，你著乜嘢都唔會有人笑你，著名牌又唔會有人讚你（反而你著啲普通野但著得靚就有人讚），所以你都唔會去夾硬用錢去裝飾自己，食既野唔會去打卡就係為咗畀人睇。」
帖文來源：連登討論區
