MC張天賦昨晚在《第四屆KKBOX香港風雲榜》中奪得「十大風雲年度歌手」，表演時跳唱新歌《Overkill》，MC指今次是新突破和新體驗，更自爆自己唱到中段時因用得太多氣而搞到抖不到氣，不過他又指這是在演唱會前一個體驗的好機會，之後會有更好的準備，而原定的演唱會也有計劃很多跳舞部份，故現時會努力操練。
將於1月舉行紅館演唱會的MC表示今次因檔期問題所以不會加場，提到他好像瘦了一點，MC即尷尬地說：「暫時唔太明顯，但會努力，（減幾多？）盡能力，做到幾多就幾多，盡做，嚟緊會好嚴厲，魔鬼式訓練（會騷肌？）睇吓呢個月可唔可以賺返信心返嚟，可能唔係騷肌係騷肉。」MC又指宣佈開演唱會後電話不停地響，又指這是開心的煩惱，希望日後能開更多騷。
MC的助手早前因「𠝹票論」惹來Fans不滿，MC指事後亦有跟對方討論過：「理解佢當時係好心急想幫我拉票，可能有啲手法或者一啲言語令大家唔舒服，會作出改善。」對於被指「𠝹票論」害到他入不到「叱咤我最喜愛男歌手」最後5強，他指相信這投票制是公平的，今次不能入選5強，所以下次要更努力，問到可有失望？MC說：「失望一定有，但冇得怨，經大家投票出嚟，唔係我就唔係我㗎喇！」至於會否因此影響與洪嘉豪的感情？他指事後有傳訊息給對方，而他回覆表示「冇嘢」，所以他相信不會影響兩人的感情。
MC之後被踢爆原來在上台前因練舞而踩爛耳機，故整個表演也要貼着膠紙演出：「我要全程撳住嚟唱，其實好驚。」而他又笑指今次已是第二次踩爛耳機，自己亦很大頭蝦經常整爛耳機，所以希望開騷時有耳機贊助。
【其他閱讀】：
盤點TVB 10大170cm以上高妹 劉穎鏇身高176亦只排第二
48歲蔡少芬素顏出遊零皺紋飄少女味 一家五口搬返香港遊山玩水
林子博移英一年三遷愈住愈富貴 由公寓變住超豪大屋 景緻遠超香港豪宅
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
