世界盃勾起不少人對足球的興趣。有港媽表示,兒子向她提出希望參加學校足球隊學踢波,但當她隨後向丈夫提及此事時,對方卻以一個原因而拒絕,令她不禁無奈地表示,「難得有樣嘢係阿仔主動想試」。
請點擊組圖瀏覽:
![港媽指,兒子向她提出希望參加學校足球隊學踢波。資料圖片](https://image.hkhl.hk/f/1024p0/0x0/100/none/8d4de77e00fff525c8f9465481532596/2022-11/DNSL0224LEISURE006.jpg)
港媽指,兒子向她提出希望參加學校足球隊學踢波。資料圖片
![丈夫卻不太希望兒子學習足球,並建議兒子改為學習羽毛球。資料圖片](https://image.hkhl.hk/f/1024p0/0x0/100/none/9349b56e9f13dc764d6835c8b797e9dc/2022-11/DNSX0421SHUNLEE003.jpg)
丈夫卻不太希望兒子學習足球,並建議兒子改為學習羽毛球。資料圖片
![港媽考慮「靜雞雞帶阿仔去踢波」,有網民則大讚「世上只有媽媽好」。網頁截圖](https://image.hkhl.hk/f/1024p0/0x0/100/none/c48cf51be9e55ba09af7610308ba5e29/2022-11/1_126.png)
港媽考慮「靜雞雞帶阿仔去踢波」,有網民則大讚「世上只有媽媽好」。網頁截圖
![有人認為「踢波好呀,正常嘅活動」。網頁截圖](https://image.hkhl.hk/f/1024p0/0x0/100/none/3ae30d5656dd53f66b312030b9c25bd1/2022-11/2_131.png)
有人認為「踢波好呀,正常嘅活動」。網頁截圖
![有人則列出踢波的好處。網頁截圖](https://image.hkhl.hk/f/1024p0/0x0/100/none/e3ba9e33e321177874f59a1c94f7f6c6/2022-11/3_110.png)
有人則列出踢波的好處。網頁截圖
該名港媽日前在香港討論區以「阿仔話想學踢波,但係老公嫌棄佢」為題發文,指丈夫與兒子近日每晚亦會一同觀看世界盃賽事,「雖然我冇得用電視煲劇,但係見到佢哋兩仔爺多啲溝通都好」,並指兒子向她提出希望參加學校足球隊學踢波,「因為阿仔話見到亞洲人踢波咁叻佢都一定得」,又指早前曾希望兒子去學習一種運動,「佢又話驚出汗又話驚整親,依家竟然自己主動話想踢波」。
港媽續指,隨後向丈夫提及此事,但對方則表明不太希望兒子學習足球。她指,由於丈夫喜歡觀看足球賽事,以為他會支持兒子學習足球,「點知原來老公覺得踢波要碌地沙會整到成身污糟晒,佢接受唔到個身咁污糟走返屋企」,並建議兒子改為學習羽毛球,「又有冷氣又唔會整污糟」。港媽不禁無奈地表示,「難得有樣嘢係阿仔主動想試」,不希望因為丈夫有潔癖而要求兒子放棄,並指「不如我靜雞雞帶阿仔去踢波同佢抹乾淨啲先返屋企」。
相關帖文隨即引起熱議,有網民指「世上只有媽媽好」、「踢波好呀,正常嘅活動」、「支持個仔踢波,男仔唔流下汗唔踢下波污糟下邊叫青春呀?當佢公主養呀?」、「踢波好,團隊隊際運動,聽教練指示,講紀律,分工,和隊友相處,小朋友識多啲朋友仔,家長又識得多啲家長」、「返到屋企即刻沖涼咪得」等。
帖文來源:香港討論區
《星島頭條》APP經已推出最新版本,請立即更新,瀏覽更精彩內容:https://bit.ly/3yLrg