今年75歲的「阿姐」汪明荃入行56年，服務無綫超過50年，是無綫的「鎮台之寶」。阿姐在粵劇界德高望重，擔任八和會館主席多年，一直在港推動粵劇發展，他與老公羅家英亦是因粵劇結緣。兩人在1988年創辦「福陞粵劇團」，2016年曾改編粵劇版《蝴蝶夫人》，今年羅家英再獻新猷，將日本著名電影《羅生門》改編成粵劇《修羅殿》，劇目將在本月中公演，由羅家英與阿姐夫妻檔擔綱。
【點擊睇汪明荃排粵劇《羅生門》】：
新劇目《修羅殿》將於月中公演，最近阿姐與家英哥正密鑼緊鼓排練，亦抽時間接受《東張》訪問，阿姐透露：「呢套劇係家英哥寫，你喺旁人口中講你嘅事，要跟佢講嘅性格去演。即係見到老婆俾人強姦後，覺得佢容光煥發，諗佢唔通鍾意咗個賊？咁我就要跟佢嘅歌詞做，同個賊眉來眼去。」即使同一個角色，亦要根據其他角色口中敍述有不同挑戰，對從演多年的阿姐亦極具挑戰性。
汪阿姐又表示：「每一場相隔距離都好近，做完第一個版本就要做2.0喇，但原來呢個2.0好可憐，又喊又好多身段，再去又到3.0，嗰個係一個好潑辣嘅婦人，即係根據老公敘述佢變晒性格，鍾意咗個賊吖嘛。呢個係最吸引嘅地方，可以考驗吓自己。」由阿姐首次正式踏台板，至明年她已經踏入粵劇界40周年，多年來熱愛始終不變：「我鍾意中國地方戲曲，喺香港嚟講只有粵劇可以滿足我，所以好努力排練、學唱、學身段，咁我先可以演出戲曲嘅魅力。」
由日本名導黑澤明1950年執導的電影《羅生門》，主要情節改編自芥川龍之介的同名小說。劇情講述一個武士和妻子被強盜攔截，強盜見武士妻子色心起強暴對方，後來武士無故死去。戲中以三個不同人物敍述同一件事件，角色亦呈現不同性格。網民繼《粵劇特朗普》後，亦因今次阿姐與羅家英上演粵劇版《羅生門》，重燃對粵劇的興趣，也有人聚焦在75歲的阿姐上演被強暴戲份，好奇她會如何以粵劇演繹。
【其他閱讀】：
一份工打半世紀！盤點14位效力TVB逾30年藝人 人氣主持變大茄仍堅守崗位
70歲李道洪近況頭髮濃密減齡20年 前妻改嫁誕趙希洛生活富裕
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
