今年58歲的堪輿學家楊天命，太太與一對囝囝都在加拿大溫哥華定居，而他則在香港工作，家庭生活一直相當低調。楊天命日前到台灣旅行，大仔Walter亦有同行，他前日（30日）在社交網貼出與27歲大仔的照片，兩人如餅印一樣，眼耳口鼻都似到十足。之後楊天命再貼出細仔的照片，又靚仔又大隻，震驚網民。
【點擊睇楊天命神秘爆肌細仔】：
楊天命前日貼出與大仔在台灣食天婦羅丼的照片後，之後再「出賣」25歲細仔Martin，他貼出細仔的靚仔相留言說：「出賣二仔系列，如果有1萬個like，會出終極沙灘六舊朱古力玉照。（好怕阿仔鬧爆我，但係真係好正㗎！）」網民驚見楊天命細仔即使着衫亦看到肌肉爆棚，轉眼間就集齊1萬個like，楊天命亦找數貼細仔爆肌相！
楊天命早前再貼出細仔的照片留言說：「你哋咁熱誠，我真係無話可說，阿仔你唔好怪老竇，我只不過係受到群眾呼籲，最重要個個睇到開開心心！嚟緊新嘅一年，個個都要健健康康，享受人生！」網民見到楊天命細仔爆肌相，即刻熱血沸騰，留言說：「高大靚仔又有型，好陽光嘅男仔」、「好多人流口水呀！」、「 將會收到好多pm搵老爺」，又有人留言笑說楊天命細仔可以參加《仔仔一堂》第2季，甚至直接出道，更有網民向楊天命取經：「師傅有咩風水陣，擺咗可以生個咁正嘅囝囝呀？」
楊天命2010年曾接受訪問提到兩個囝囝，他透露當時15歲的大仔是智商評估高達150的資優生，在學業方面表現突出。細仔與大仔亦一樣遺傳到他的性格：「細仔似我做事心急又固執，但就鍾意講道理，好有紀律又獨立。大仔同我一樣幾情緒化同感性，更帶點藝術氣質。」雖然囝囝資質過人，但原來身為堪輿學家的他並無擺風水陣催谷，而是一切順其自然，而且多年來亦從無刻意卜算過兒子八字，只在他們出世後略略看過面相：「見到他們一世無憂已足夠。」
【其他閱讀】：
林峯安排囡囡入讀上海名牌私立幼稚園 雙語國際教育一年學費逾20萬
30位女星迎新年晒靚相逐張睇！沈月露腰裙側露事業線滲仙氣 有人孖住全裸出浴畫面香艷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
