父母突然患上癌症，難免會感到無助並需要有人陪伴。有港男則在網上發文指，原本計劃與女朋友一同旅行，但父母近日確認患上癌症，因此決定取消計劃，沒想到女朋友卻告知會如常出發，令他大呻「覺得睇清楚佢係咩人」。不過，有網民卻批評樓主自私及自我中心。
該名港男近日在Dcard討論區以「我父母有Cancer 女朋友抌低我去旅行」為題發文，提到原本計劃與女朋友一同旅行，但父母近日確認患上癌症。他因此向女朋友表示，希望可以取消旅行計劃，多一點陪伴家人，而女友亦表示會陪伴他渡過難關。沒料到，女友卻向他表示幾日後會去旅行，令他直言「真係好唔開心，覺得睇清楚佢係咩人」。
請點擊組圖瀏覽：
相關帖文隨即引起熱議，有人批評樓主自私及自我中心，並指「難聽啲講句，你父母又唔會急到隨時會走嘅地步，點解人哋陪你長期作戰之前去個旅行都唔得？你父母有cancer另一半就唔可以開心，唔可以出去娛樂唔可以食好嘢，一定要做到清心寡慾出家咁款先可以襯得起你父母生cancer，講到尾你覺得人哋自私，其實最自私嗰個咪你囉」、「Cancer閒閒地都要搞5、6、7年，去過旅行就叫抌低，會唔會太自我中心」、「畀咗錢唔通唔去，又唔係去成世，加上唔係佢父母，你唔可以體諒返佢？」、「去個旅行都一樣可以咁關心同擔心你。你女朋友都有自己嘅野想去做㗎。唔通你父母有Cancer佢就咩開心嘢都唔可以做？你有少少自我中心」、「唔明點解樓主要情緒勒索？」、「去個旅行咋喎，難聽啲講句 咁係咪只要你父母一日未好返佢都唔洗去旅行？」等。
相關新聞：
Juicy叮｜不滿港女聖誕約兒子外出 阿媽：「撒旦邪靈嘅人」先會拍拖慶祝：https://bit.ly/3CogfQC
Juicy叮｜與女友嘈交阿媽一原因籲女方分手 港男：「嬲到爆炸」：https://bit.ly/3idV5Oa
Juicy叮｜同性戀阿爺與男友同居 遭家人反對威脅送老人院：https://bit.ly/3jNuUOG
另有人則支持樓主，並指「見到樓下有comment話樓主自我中心，其實我又覺得唔係。人哋都係啱啱先知道父母有cancer，佢應該呢一刻好難過，好難去接受，佢可能呢一刻好想佢女朋友喺度陪住佢，而佢嘅女朋友又咁啱撞正呢個時間去旅行，咁喺樓主嘅角度來講咪就係佢覺得女朋友可能冇照顧到佢嘅感受所以先出現不滿囉」、「我諗最大個問題唔係另一半喺呢個時候去旅行，而係前一句話會陪住樓主，下一句就話要去旅行，樓主會以為女朋友肯陪自己呢段時間留喺屋企人身邊，個落差衝擊真係好大」等。
有人則勸喻及安慰樓主，並指「咁都要有自己生活嘅，照顧病人係長期戰，照顧者都唔好忽略咗自己需要。可能你女朋友都要時間學習點陪伴你同你家人，希係你唔好一時衝動再失去一個愛你嘅人」、「聽人講開心生活健康飲食就會好返，你要加油呀」等。
帖文來源：Dcard討論區
