梁詠琪(Gigi)即將在2月17至19日，假紅館舉行一連三場《梁詠琪 時間遇上我們》演唱會，近日積極到排舞室排舞，在舞蹈總監Chris指導下，Gigi與舞蹈員相當合拍，即使面對高難度動作都能揮灑自如。Gigi還透露每晚演唱會都有特別嘉賓，保證觀眾有驚喜，她說：「三晚會有唔同嘉賓，全部都係我好欣賞嘅朋友，佢哋曾經同我喺音樂、電影上合作過，有陪伴我一起成長嘅歌手朋友，亦都有我好欣賞嘅新晉歌手。」
梁詠琪近日積極排舞。
嘉賓包括電影上合作過，及好欣賞的新晉歌手，唔知關唔關EDAN事呢?
梁詠琪將於2月17至19日，假紅館舉行一連三場演唱會。
提到演唱會服裝，Gigi透露由於演唱會內容有故事性，服裝設計上會帶有情感元素，所以特別邀請了好幾位設計師，為個唱準備戰衣，部分靚衫專程在外國訂造，正趕緊縫製空運來港。事業家庭兩忙的Gigi，今次決定在個唱上自彈自唱，某程度上是受到囡囡影響。 「因為囡囡學緊琴，令我重拾對彈琴嘅熱誠，一個月前已經開始練琴，彈畀屋企人聽，但正所謂『瘦田冇人耕、耕開有人爭』，阿囡見我彈，會問：『媽咪幾時到我彈？』但剛剛無人彈佢又唔彈喎，哈哈！」 以往兩母女形影不離，但演唱會進入倒數階段，Gigi近日忍痛「離家出走」，搬到酒店暫住，希望有更多私人空間，專心準備個唱。
Gigi因為見到囡囡學琴，令她重拾對彈琴的熱誠。
專注個唱同時，Gigi亦不忘做善事，希望每位打算花錢送花籃到紅館給她的好友，將這份心意轉贈到意屬的慈善機構，Gigi話：「見到花海當然開心，但我更希望轉化朋友的支持給有需要嘅人，會更有意義！」Gigi準備了一張巨型名牌掛在紅館後台，以答謝每位捐款善長，感謝他們對自己支持、對慈善出一分力。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
