一輛綁著米妮老鼠氣球的空載BB車，日前被網民發現遺留在空空如也的迪士尼露天停車場上，斯人獨憔悴。有網民懷疑是大頭蝦父母所為，具偵探頭腦的網民則估計是「失車」一輛。
網民上載相片發帖，指「實時（2023年2月8日19:50），應該有人遺漏咗部BB車係車場（有米妮氣球）」，另有網民貼相跟進，表示「8點半仲喺度呀」。
回應的網民笑言相片氣氛「好似睇鬼片咁」，但有人則正經地估計，「可能單拖，玩完太攰。放咗小朋友上車，唔記得咗都唔出奇」、「時不時都有㗎，可能玩完攰得濟唔記得收車」、「邊位爸爸玩到咁累」。
迪士尼停車場遺BB車實況：
另有細心的網友發現「BB車前面條欄開咗，可能係媽媽抱咗BB上車扣緊Car seat，諗住爸爸收車去車尾箱，點知爸爸直接上司機位開車走人，佢地返到屋企車場落車要拎BB車就會發現㗎啦，靠爸爸嘅話，唔意外丫」，並想見「佢地返到屋企會有咩反應」。
由於有網民指，之前有見過「BB都無放上車就走」，有網友於是擔心BB車上有BB，提醒「行埋去望下有冇漏埋個BB」，幸而樓主稱「望過冇好彩」。
另有具偵探頭腦的網民懷疑是「失車」，指「唔一定係漏低，係D人隨便攞人地嘅車用完，走嘅時候丟低」、「失車」、「會唔會係偷人BB車個D人用完放係度」，但有人則指「會唔會有人咁低能偷人BB車用完即棄係個禁多車Cam嘅地方」、「咁應該拆走埋個波」。
同場加映：
十級驚嚇！美孚菜檔驚見十多隻老鼠BB 未開眼仲手郁郁
有網民2月8日在美孚一個菜檔看到驚嚇情景，有十多隻老鼠BB活生生在發泡膠箱中活著，網民形容畫面「十級驚嚇」。發泡膠箱見到放在某菜檔的一角，當時發泡膠箱為空置，從畫面看到拍攝完畢時有戴手套的手入鏡，估計發泡膠箱是落菜後被丟棄，正待清潔工人處理。
美孚菜檔現大批老鼠BB↓↓↓↓
不少網民覺得情況恐怖：「發惡夢呀咁攪法。」「咁多，好恐怖。」「老鼠屎菜。」有網民幽默地表示：「拎嚟浸酒，飲完發發聲。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
