視后唐詩詠（Natalie）在去年9月宣佈與TVB完約，正式結束近20年的賓主關係，無約一身輕的唐詩詠，目前正好好享受人生，閒時與閨密黃翠如周圍去，早前又試過到內地拍節目，嘗試不同模式的工作，生活當然過得消遙自在！最近她又出國旅行，不過同行的並不是閨密黃翠如，而是唐爸和唐哥哥！昨日唐詩詠貼了與爸爸旅行相片並說：「帶著爸爸去旅遊，揀咗個好適合拍照嘅酒店，個個都打卡我又打吓啦！每到一個景點當然要影相啦，影到爸爸忍唔住問：又影呀？我說係啊好靚呀，他說靚咩，然後自己舉V，然後叫我自己擺個pose！」
【點擊睇唐詩詠同爸爸旅行相】：
其實過往唐詩詠都甚少貼家人相片，去年41歲生日的時候，她罕有地貼上爸爸以及哥哥一家為她慶祝生日相片，當時有不少人都戥她感到開心，原因是唐詩詠曾經表示因為媽咪的離去而不想再慶祝生日。唐媽媽在2009年離世，同年詩詠哥哥炒燶股票、爸爸退休、連帶感情亦受到挫折，唐詩詠被崔建邦「劈腿」分手等，所以她的人生跌落谷底，所以多年來她都未有搞過生日會：「嗰一日我嘅情緒會波動得好大，因為我會諗嗰日係媽咪生我嘅一日，我會諗好多嘢，所以我唔適宜搞生日會，我唔想人哋見到我好似好開心，突然之間又好唔開心，所以我想自己過。」
唐詩詠入行前屋企負資產，由媽咪一個支撐，哥哥收入唔穩定，爸爸當時長期喺大陸，可以好多年都唔會見面。雖然唐詩詠同年長佢五年嘅哥哥感情要好，可惜父母的感情問題令佢童年不大好過。不過亦因為佢嘅不幸，「成就」咗佢《鐵馬尋橋》中嘅角色阿雁：「經歷咗好多嘢，中間有好多寫畀我嘅位，我都係好自然演到。」角色仲令佢大熱勇奪「飛躍進步女藝員」獎，詩詠之後嘅演員路開始平步青雲，更登上視后寶座。
唐詩詠又曾經在一個網上節目上，自認是一個內向的人，從小到大都不敢把真心話講出來，再加上童年時缺乏家人陪伴，爸爸長駐內地工作，媽媽雖則在港，但要經常工作維生，所以一家人相處時間並不多，更經常因此吵架，導致她有很多心底話未能與家人分享，直至長大後出來工作後，媽媽想花時間陪她，藉此修補家人關係，但詩詠卻不懂珍惜，最終媽媽因病離世，詩詠坦言媽媽一直支持她在演藝圈發展，自己很遺憾未能向媽媽表達愛意，唯有一直努力工作完成媽媽心願。
【其他文章】：
黃翠如三妹黃麗茵步家姐後塵成幸福人妻 大合照唔見影避搶新娘風頭？
盤點22位曾參加渣馬女星！金牌司儀挑戰10k勁有成就感 英皇女星全馬快過徐濠縈
袁詠儀富貴行頭逛街！拎六位數Hermès袋着過萬元上衣 網民因一事憂張智霖荷包又有損傷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
