舞台劇演員出身的楊詩敏 （蝦頭）在2021年離開TVB後，先後拍過不少電影以及舞台劇之演出，今年她更憑電影《正義迴廊》首度獲提名「最佳女配角」，心情當然感到興奮，日前是她媽媽的生日，本來蝦頭一直問媽媽希望要甚麼禮物，殊不知因為媽媽的一番說話，令她百感交集：「前日佢知道我有份提名，返到屋企見到我，突然間從後攬住我話：『我真係好開心呀！恭喜你！我生日唔使送禮物俾我喇，呢份就係最好嘅禮物…… 』！」
【點擊睇蝦頭扮徐子珊有幾似】：
自從由演藝學院畢業到現在，蝦頭稱已經有24年，當中舞台、 電影、電視以及網絡等斜槓持續，同時又做過好多扮嘢喜劇角色：「感恩遇到好角色好作品得到肯定真係好鼓舞好湧動，而當見到一直無條件支持我嘅媽咪仲開心過自己，望到佢嗰種欣慰嘅眼神，滿足甜蜜嘅笑容，一份觸動突然湧上心頭。我彷彿好似明白咗一啲嘢……好似記得返一啲…一直忽略咗而又好重要嘅嘢…….我作為一個演員，真係做得好幸福！」
其實蝦頭過往都曾經演出不少角色，最經典的一定是在2013年的處女作《My盛Lady》，當時她飾演Laura一角，為了與徐子珊爭奪前度黃子華，她不惜嘟嘴扮可愛兼着超短褲露肥腿，變身成為A貨徐子珊，成功受到網熱捧，蝦頭亦曾在節目中戲言自己有「徐子蝦」，還試過由153激減至118磅，成功由豬扒變女神，有網民話索過徐子珊。後來在《再戰明天》中，與徐子珊再度合作，今次飾演一名有輕度智障的囚犯顧惠珠（傻珠），在獄中暗戀監獄職員徐子珊，可惜被拒愛後割脈自殺身亡。除了徐子珊，蝦頭亦試過模仿王菀之和麥玲玲，不論髮型、身材各方面都相當神似！
雖然事業發展順利，但蝦頭的感情路一點不平坦，她曾表示先後與導演火火（李家榮）、前經理人邵子風有過一段情，拍散拖次數實在多到數不了，不過愛得最沒自尊的一次，就是前度邵子風：「我覺得為佢差唔多付出咗一切，所以我冇咗自己。大家都知道，我對上一個係邊個啦。我哋關係好複雜，又拍拖又經理人又一齊開公司，我哋大家都係兩個傷痕纍累的靈魂。嗰陣時有一股蠻勁，好想可以有永遠，亦視佢為我結婚對象，到第4年愈嚟愈關係複雜，之後又搞作品，就覺得我哋再唔分開，會攬住一齊死，真係堅係死呀！」但如今回望過去，兩人不單再見亦是朋，她還感謝對方：「依家點解話成長咗，我明白冇嗰陣時所有的經歷，今日唔會重生Rebirth。」
【其他文章】：
黃翠如三妹黃麗茵步家姐後塵成幸福人妻 大合照唔見影避搶新娘風頭？
渣打馬拉松｜周潤發首戰10公里賽練習逾一年 全黑運動裝現身全場起哄
袁詠儀富貴行頭逛街！拎六位數Hermès袋着過萬元上衣 網民因一事憂張智霖荷包又有損傷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
