陳凱琳早前誕下細仔Carlos，與老公鄭嘉穎四年抱三幸福得令網民羨慕。而一向熱愛透過社交網向大眾分享家庭生活的陳凱琳，卻不曾公開老公鄭嘉穎求婚的影片或照片，原來陳凱琳當時根本沒有拍片，日前她與好友馬天佑一同拍片，分享拒拍求婚片紀念的原因：「都係我哋嘅風格嚟嘅，即係我哋覺得呢個咁private（私人）嘅一個moment（時刻）。」又指當時所有畫面都記在腦海中，已經足夠他們回味。
【點擊睇陳凱琳講鄭嘉穎求婚經過】：
陳凱琳過往幾乎沒有分享過鄭嘉穎求婚的經過，回想起2017年回加拿大的機程中，鄭嘉穎的罕有浪漫舉動，陳凱琳都不禁甜笑：「我老公係一個唔浪漫嘅人，但我亦都係一個唔要求浪漫嘅人，其實求婚都唔會係甚麼大驚喜啦！」2017年聖誕前夕，二人搭飛機回加拿大，上機前陳凱琳逼鄭嘉穎買優質經濟艙，雖然她出身富貴之家，但都覺得坐商務艙到加拿大太貴，可見原來都是慳妹一名。
陳凱琳指當時鄭嘉穎可能是想坐商務艙求婚比較好，但無奈女友堅持，唯有改變計劃：「逼逼哋、窄窄哋咁！差不多半夜我準備瞓覺，佢叫我唔好瞓住，叫我等等先。之後佢唔知出咗去做啲咩，我就攞張被蓋着自己，佢拍我『唔准瞓住呀』，我心諗做乜嘢呀！我已經好攰。跟住我一打開張被，突然間有支黃色玫瑰，佢好狼狽咁屈身跪喺地下，當時已經熄晒燈，大家都瞓緊覺。佢攞隻戒指出嚟，跟住個盒仲要有嗰啲射燈，好似拍戲咁！」但當下陳凱琳只感到戒指盒的射燈很刺眼，回想起都覺得很搞笑，而鄭嘉穎完成任務後的第一件事竟然是睡覺，令陳凱琳哭笑不得。
【點擊睇陳凱琳鄭嘉穎家庭照】：
事後陳凱琳問鄭嘉穎如何得到那支黃玫瑰，原來鄭嘉穎走到商務艙向空中服務員借花，雖然空中服務員強調優質經濟艙沒有這項服務，鄭嘉穎當時表示：「我知呀，但我要求婚呀！」最後都成功借到一支花求婚。陳凱琳指老公選擇在機上求婚，因覺得飛機在天上飛，大家都不知道確實的位置，整件事好抽象和浪漫。雖然求婚過程有些搞笑和狼狽，但在陳凱琳沒有預想到的情況下發生，陳凱琳都表示有感受到浪漫的氛圍，認為鄭嘉穎有心思。
【點擊睇陳凱琳鄭嘉穎豪宅】：
【其他文章】：
麥子雲·專訪｜御用奸人靠惡樣覓得初戀嬌妻相愛半世紀 「擋飛仔」擦出愛火愛黏女強人老婆
港姐朱潔儀狂晒淺水灣逾千呎豪宅 擁兩無敵海景花園設巨型噴水池歐式古典裝潢超有氣派
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
