受情人節浪漫氣氛感染，寡佬格外春心蕩漾。有單身漢嚴選6句曖昧對象的「金句」，以投票方式問網民認為那句最出自肺腑。
單身漢發帖指，「理性討論，同發展緊嘅女孩子有少少曖昧，佢邊一句先係真，最有料到」。經網民一輪投票後，以下6個「金句」中以「如果我鍾意你，我諗我都幾變態」得票率過半，達五成八，成為網民眼中「最真心」對白。
「曖昧對象6大『金句』邊句真？」公投結果：
●你個樣好衰，麻煩死開——得票：22%
●我真係好鍾意你囉——得票：5%
●如果我鍾意你，我諗我都幾變態——得票：58%
●你死忌到未，點解未死把口會咁臭——得票：6%
●你收聲啦，煩住晒——得票：6%
●我唔會同你食晚飯，怕咗你——得票：3%
忐忑不安的樓主其後在留言區多添一句謙虛地打圖場，指「『根本條女好憎你，係你先以為同人曖昧緊』，呢個選擇係呢度」。不過，由於沒有列入投票欄目，無法得知這謙虛之詞的票數。
網民回應及市民花墟買花實況：
網民鼓勵：「佢一定係鍾意你」
回應的網民各有心思，有人鼓勵樓主，指「佢一定係鍾意你，怕醜啫」；不過有人卻潑冷水，坦言「老老豆豆，條女似乎唔止對你無興趣，仲幾討厭你」。此外，還有人認為提供的背景「資料不足，無法判斷」，愛莫能助，其他網友則認為「冇一句係真」。
討論期間，樓主提到「曖昧就是猜心。因為猜心過程會好像觸模到對方嘅愛嘅形狀」，網友卻指「曖昧只是你的想法，是你一廂情願的想法，看出來女孩子好討厭你，感覺你跟她吵鬧到過了火，導致佢並非跟你曖昧，而是直接討厭你」，結果引出樓主透露細節，稱「她耐不耐會在下午茶静静泡個杯麵放我枱又唔出聲」。
市民花墟買花實況：
情人節相關新聞：
老夫老妻仲慶祝情人節？ 貼心人夫宣告送禮大計
光棍趁通關冀北上成親 網民：搵老婆記得留意呢樣嘢.....【附通關貼士】
帖文來源：香港單身狗關注組
同場加映：
港女好奇有冇人婚後財政獨立 網民提醒：男人有錢就手痕
有結婚5年的港女醒起長輩「老公出咗糧要俾晒老婆儲起」的忠告，在網上討論區以「有冇人結咗婚都係兩公婆財政獨立？」為題發帖，問過來人意見。
樓主先說自己的狀況，指「D親戚長輩成日同我講老公出咗糧要俾晒我儲起，但暫時結婚5年我都係當耳邊風，我哋兩個都係自己搵自己使，屋企洗費每人分擔一半，出街冇AＡ制，都係邊個有就邊個俾，大家想買乜就自己買（當然有時都有送禮物呢樣嘢）。唔知點解真係唔想有拎晒我老公D糧呢個諗法，但同時我哋又唔會過問大家積蓄有幾多，我覺得咁樣財政獨立幾舒服」，接著問「大家D錢會唔會俾晒另一半去儲？」
網民回應：
回應的網民大都認同樓主的觀點，「我都同意呀，就係計較唔到咁多，同埋下下計住亦都好辛苦」、「我同我先生都係財政獨立！我都唔知道佢有幾多積蓄又唔會問佢」、「我都覺得咁樣相處舒服D，前設當然是兩夫婦各自有經濟能力，想法一致先做到」、「我哋同樓主做法一樣，太計較就會影響感情，有時果個月用錢多咗，我會直接跟對方講，對方都會體諒及科水」。
有男性網民分析，「以前得男人出嚟做嘢，個女人喺屋企做家頭細務，無收入，咪要揸住財政權囉，而家男一份女一份，各自財政獨立，我唔會AA制，有時我俾錢有時我老婆俾錢，兩公婆要夾返錢係好老套嘅一件事，結婚耐咗，就會習慣邊樣我俾，邊樣老婆俾，唔會計較。」
婚姻關係相關新聞：
另有網民指，「感覺後生一代都冇呢個（老公出咗糧要俾晒老婆儲起）概念，同埋呢代無論男女都好捨得洗錢」。但有網友提醒，長輩有這忠告，可能是基於「男人有錢就手痕，今日唔嫖唔賭，唔包保天日唔嫖唔賭」的想法。
帖文來源：香港討論區
同場加映：
「黃金俠」驚現車廂 激凸男西裝大叔全身金燦燦
車廂驚現「黃金俠」。有網民分別上載金色激凸男與金西裝大叔的短片與相片上facebook討論區，引起網民一陣哄動。
倚在車門位置座椅旁的金髮男子，穿一身閃亮金衣，腳踏疑似豹紋鞋，穿黃色襪子，還單邊揹了一個包袱狀的金袋子。男子正全神貫注睇手機，由於金色窄身褲過於緊身而出現刺激眼球的激凸效果。
至於懷疑坐於關愛座的金西裝大叔打扮更耀眼，一套閃亮西裝配上相襯的金色袋巾，結上黃紅相關斜紋領帶，踏著的皮鞋也金燦燦，再撞色穿上青綠襪子，西裝骨骨造型sharp醒。
「黃金俠」驚現車廂實況：
對於車廂吹起「黃金之風」，網民上載原裝「黃金俠」圖片比對，並形容是「滿城盡帶黃金甲」。有網民估計莫非要去「去黃金商場」，定是「到中環行為藝術」，並笑言要「參加金像獎」。
還有人估計是準備「去登台」、「去登台？ 定去參加大叔好聲音？」。有網友特別稱讚西裝大叔「套衫好靚，講堅」，且佩服地提問「金色老西咁難搵，佢點由頭到腳整到出來？」。
不過由於大叔和身旁乘客均無戴口罩，因而被精明的網民質疑是舊相，指「個個都唔戴口罩都唔知幾耐前」、「幾耐之前，全部唔洗戴口罩」、「舊相！冇戴口罩」、「唔戴罩」。
帖文來源：好fashion呀你
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
