冼靖峰（Archie）和何晉樂（Rock）參加《聲夢傳奇》入行，虎年推出首支單曲《一個人的幸運》及《無證騎士》正式出道，他們都覺得這個新人年過得相當充實，特別有機會到外地工作吸收經驗。展望兔年，有機出國語歌的Archie會積極操肌；而Rock就會努力經營社交平台，想有更多出差機會。採訪：杜杜 攝影：朱偉彥
Archie和Rock去年少了時間一起工作，今年希望有機會在舞台和戲劇上合作。
Archie虎年在內地工作，識了不少新朋友，望兔年繼續桃花旺人緣好。
Rock覺得虎年起伏好大，展望兔年最緊要事事順利搵到錢。
Archie去年首次到寧波為內地時裝網劇《暖暖紅塵》進行拍攝，劇中他飾演救援隊成員，可惜因身材輸蝕，只能扮演負責IT的隊員，未能參與救援戲份，他都覺得相當可惜，所以他已積極操肌，「拍劇後開放咗一啲要進步嘅範疇，譬如身材啦！即係變大隻啲，上圍要豐滿啲，肌肉要厚實啲，唔一定係騷肌，身材操得好啲，着衫都會好睇啲。」而他來年希望不論音樂或戲劇作品，都不斷有進步，亦得到觀眾認同，更透露因該劇關係有望推出首支國語歌，「有同監製及導演傾過，應該有首歌我會負責曲詞同埋唱，不過唔知最尾監製收唔收貨，首歌已經作咗，差錄音嗰part，希望可以唱到啦！」
去年推出首支單曲《一個人的幸運》的Archie，今年有望出國語歌。
Archie在內地時裝網劇《暖暖紅塵》演救援隊成員，首次嘗試戴眼鏡造型。
積極面對困難
Rock坦承虎年上半年因疫情，影響很多工作計劃，幸好下半年一切順利，除了首次出歌外，更跟文凱婷到馬來西亞出席《聲夢傳奇》比賽，人生第一次出差令他獲益良多，「我第一次去馬來西亞，識咗一班當地人帶咗我去好多地方玩，真係大開眼界，得着好多，希望有機會多啲出trip做嘢。」近期積極經營社交平台的他，早前遇到不少阻滯，「plan咗要做嘅嘢，永遠收到消息話有啲版權或者法律問題唔出得，𠵱家唯有用返最初玩法唱多啲cover或者新歌。」雖然不如意，但Rock依然會積極面對，「覺得自己成長咗，唔係遇到困難就打沉咗咩都唔做，而係搵多啲方法或者同人傾多啲，去做多啲新嘅嘢。」
Rock去年推出首支單曲《無證騎士》，卻因疫情推遲了計劃。
Rock跟文凱婷結伴到馬來西亞出差，首次挑戰海外舞台。
新網站 www.stheadline.com 已推出
