有「樂壇教父」之稱的 Uncle Ray(Ray Cordeiro)於 1 月 13 日與世長辭,享年98歲。Uncle Ray的喪禮將於下周四(23日)在香港殯儀館舉行,下午4時公祭,晚上7時為業界及親友致祭時段,追思會將安排在晚上8點半至9點,翌日早上會在聖若瑟堂舉行喪禮及安息彌撒,彌撒後靈柩隨即移送哥連臣角火葬場火化。其契仔兼助手周舜河(Andy)日前接受車淑梅主持的港台節目《舊日的足跡》訪問,談到Uncle Ray的喪禮安排,他表示正努力和治喪委員會一起辦好 ,同時更透露 Uncle Ray 指定要安排公祭,因為自己在香港多年,是公眾人物,故喪禮要有部份時間留給公眾,Andy亦公開感謝杜麗莎,以及自己與 Uncle Ray相處多年的軼事。
【相關文章】:
Uncle Ray逝世| 2月23日辦喪禮設公祭 由鄭東漢擔任治喪委員會主席
【點擊睇Uncle Ray相片懷緬】:
![今年月初車淑梅曾經到醫院探望。](https://image.hkhl.hk/f/1024p0/0x0/100/none/51fd40718383a95f858fee3cf42d2117/2023-01/325423728_681267570312597_4802853379633516899_n.jpg)
![Uncle Ray在香港電台工作多年,與同事相處融洽。](https://image.hkhl.hk/f/1024p0/0x0/100/none/dac7ef16f5128a323773100849ff38e2/2023-01/325392447_558197029517084_8993906562245656845_n.jpg)
![Uncle Ray在娛樂圈的地位德高望重!](https://image.hkhl.hk/f/1024p0/0x0/100/none/d9441af864a0287e0ab903a9d8d804c0/2023-01/wk_BZGwsAuLP7xkoGGRbXWtU9NimYWBwPu968T7vevE.jpg)
![Uncle Ray曾經訪問國際樂壇巨星Tony Bennett。](https://image.hkhl.hk/f/1024p0/0x0/100/none/22f4879e076aa6e08e1ca11f1bd3ff24/2023-01/UFSZlDi9xpa7lniwz579LIEyr64QV05l7oeJwe6HicE.jpg)
![1964年,英國EMI唱片部經理Stan Stern(圖左一)為Uncle Ray穿針引線,安排與The Beatles做專訪。](https://image.hkhl.hk/f/1024p0/0x0/100/none/b392d323f2a070db2753d7c8e767edad/2023-01/nuGnYTpxR-4f9X-xzJE5Yw6Cy0qwyHRURphsAkaYbAI.jpg)
![Uncle Ray第一份工作是加入麗的呼聲出任撰稿員,此照片攝於麗的呼聲錄音室。](https://image.hkhl.hk/f/1024p0/0x0/100/none/58d337c324b5990f1d3c569ad4c653b6/2023-01/ug4qo0GnfoMS9sITZxEePeKjArQNqbv-qv015ar9NeU.jpg)
![近年開啟IG的許冠傑不時就會分享自己真正的年青時候相片。](https://image.hkhl.hk/f/1024p0/0x0/100/none/d782b8f40f852286585bf3df2a679692/2022-12/unknown_278338270_273806414958928_5929432831374451767_n.jpg)
![許冠傑表示,Uncle Ray 是他一生的摰友及老師。](https://image.hkhl.hk/f/1024p0/0x0/100/none/4d0475b944aa2e1aaf045cda2c7fbbfe/2023-01/unknown_325522840_508786104573507_4644155182693008208_n%20%281%29.jpg)
![對他的離開感到十分哀痛 。](https://image.hkhl.hk/f/1024p0/0x0/100/none/8d14f26ef94631e202f1cb9b30060a59/2023-01/unknown_325246492_202757459082729_7010373227234208976_n%20%281%29.jpg)
![Uncle Ray於1980年告別公務員生涯,許冠傑和區瑞強於《60年代音樂會》代表港台致送紀念品予Uncle Ray。](https://image.hkhl.hk/f/1024p0/0x0/100/none/2aa40ecad64a5656796c1a805be428ac/2023-01/_7TueroJrySdFb-NiLTKbtI1CUNPNOS3rtDLyK7Qy8g.jpg)
![2008年獲香港特區政府頒發銅紫荊星章。](https://image.hkhl.hk/f/1024p0/0x0/100/none/005643b33af1d17f4d39a2e43155267d/2023-01/DSC_0136.jpg)
![TVB在2021年為Uncle Ray舉辦的榮休節目。](https://image.hkhl.hk/f/1024p0/0x0/100/none/068ce3fec5628efd3c3a6c60573b8c3e/2023-01/DSC_3811.jpg)
![Uncle Ray是健力士世界紀錄最長壽的DJ。](https://image.hkhl.hk/f/1024p0/0x0/100/none/bd43c8447fb3ae55047bbfde49800526/2023-01/VideoScreenshot---myTVSUPER-2%E2%80%9921%E2%80%9D.jpg)
![對後輩照顧有加!](https://image.hkhl.hk/f/1024p0/0x0/100/none/97a6419adb64bac565f395bdc3dcd2d4/2023-01/VideoScreenshot---myTVSUPER-2%E2%80%9931%E2%80%9D_0.jpg)
![與林子祥份屬好友!](https://image.hkhl.hk/f/1024p0/0x0/100/none/568d1a1ceeadddc714e47500b56d4fb9/2023-01/VideoScreenshot---myTVSUPER-2%E2%80%9949%E2%80%9D.jpg)
![Uncle Ray在娛樂圈的地位德高望重!](https://image.hkhl.hk/f/1024p0/0x0/100/none/45dce0e8c402b9d428efdb95574455ca/2023-01/VideoScreenshot--YouTube-UncleRay-1%E2%80%9942%E2%80%9D.jpg)
![區瑞強是Uncle Ray的契仔。](https://image.hkhl.hk/f/1024p0/0x0/100/none/329de26e20807e9244c7d3085c796191/2023-01/VideoScreenshot--YouTube-UncleRay-3%E2%80%9944%E2%80%9D.jpg)
![杜麗莎知道Uncle Ray 留醫,也知道 Uncle Ray喜歡聽她唱歌,雖然人在外地,也每隔幾天錄一些歌給 Uncle 聽。](https://image.hkhl.hk/f/1024p0/0x0/100/none/c7846fbbed8a23953c2b71324075f7c1/2023-02/VideoScreenshot--YouTube--20175TheSinger-1%E2%80%9916%E2%80%9D.jpg)
![Uncle Ray喜歡聽杜麗莎唱歌。](https://image.hkhl.hk/f/1024p0/0x0/100/none/697dc1475a8dac170d6d270577d3f061/2023-02/VideoScreenshot--YouTube--20175TheSinger-2%E2%80%9928%E2%80%9D.jpg)
![Uncle Ray的喪禮將於下周四(23日)在香港殯儀館舉行。](https://image.hkhl.hk/f/1024p0/0x0/100/none/a45df2a7cf8c49481b80cdb2363026c6/2023-02/VideoScreenshot--YouTube-UncleRayUncleRay-6%E2%80%9916%E2%80%9D.jpg)
![契仔兼助手周舜河(Andy)多年來對Uncle Ray照顧得無微不至。](https://image.hkhl.hk/f/1024p0/0x0/100/none/d3cd627e375eff30d90eeea1a3de7d0c/2023-02/VideoScreenshot--YouTube-UncleRay-0%E2%80%9929%E2%80%9D.jpg)
![Andy表示公祭是Uncle Ray 指定要安排。](https://image.hkhl.hk/f/1024p0/0x0/100/none/883c6b4e56484339134124abad4d0f7a/2023-02/VideoScreenshot--YouTube-UncleRay-0%E2%80%9930%E2%80%9D.jpg)
![Andy表示和 Uncle是人夾人緣。](https://image.hkhl.hk/f/1024p0/0x0/100/none/724e86fa83ee5f5f54b21f90da6eaa6b/2023-02/VideoScreenshot--YouTube-UncleRay-0%E2%80%9959%E2%80%9D.jpg)
![Uncle Ray的骨灰將會安放在家中。](https://image.hkhl.hk/f/1024p0/0x0/100/none/2e94abe9b9ea55207093233a2d2e8f2e/2023-02/VideoScreenshot--YouTube-UncleRay-2%E2%80%9917%E2%80%9D.jpg)
Andy表示Uncle Ray在去年年底身體出現不適,當時很多好友到醫院探望,病房猶如一個主題樂園,他想特別向一個人道謝,此人正是杜麗莎,原來當時她知道Uncle Ray 留醫,也知道 Uncle Ray喜歡聽她唱歌,雖然人在外地,也每隔幾天錄一些歌給 Uncle 聽。最後那個早上,她知道 Uncle Ray情況不妙,一個小時錄了 5、 6 首歌傳送過來:「喺1月13號凌晨 4 時,Uncle Ray第一次要求打止痛針,之後就冇醒過。直至朝早9點左右,我播杜麗莎嘅《Dream a little dream of me》,Uncle Ray醒咗,飲咗奶仲食咗半個芒果,中午肥媽到同甥孫女都嚟咗,我趕返屋企煲湯,因為唔知道可以再煲幾多次。點知返到屋企即刻收到電話要我返去,嗰日落住大雨,我提醒自己唔可以急、唔好亂、唔好快、唔要撞,去到醫院我衝上樓,嗰陣佢嘅指數已經跌到零,我同佢單獨傾咗 10至15分鐘,跟住其他人就入嚟,我回頭望,發現Uncle Ray眼角流咗一滴眼淚。」
他憶述 Uncle Ray 於去年 11 月 30 日清晨,曾告知自己在夢中看見爸媽要求一起共晉早餐:「佢冇去同家人團聚,佢話因為唔捨得我……其實 Uncle 選擇火化後,骨灰唔安放喺跑馬地一家團聚,佢要放喺屋企,我當然歡迎,呢個係佢嘅心意。其實『回家』並唔長久,層樓遲早會拆,我都會死,但我會請善後嘅人將我哋一齊放進大海,乾手淨腳,呢個佢係知道同埋同意。」
Andy 和 Uncle Ray 的緣份始自 1985 年,當時Andy 只有10多歲,在佐敦一間唱片店對面的時裝店任兼職售貨員:「Uncle Ray成日去唱片舖,第一次見面我唔佢,嗰陣我只係睇劇集《清宮殘夢》、《書劍恩仇錄》,聽顧家煇嘅作品。佢好搞笑咁自我介紹叫 Jimmy,到第二次見面,佢話我知佢係唱片騎師,我半信半疑,慢慢我哋由普通朋友變咗做佢嘅契仔同和助手。」
Andy 當年是電訊公司的 CEO,為了照顧 Uncle Ray,他決定在40歲退休,談到箇中原因,他說:「喺2006 年嘅冬天,我忘記咗拎文件返公司開會,於是下晝揸車返屋企拎,返到去發覺 Uncle着得好單薄喺間房度瞓覺,嗰陣佢打開咗門,開咗冷氣但係冇冚被,我留意到佢真係老咗,嗰陣佢已經 82 歲,仲係好活躍,但係開始成日覺得頭暈,初時我只係諗退休陪佢幾年再作打算,點知誰知一退就退咗16 年。」
Uncle Ray在2021年宣佈退休,他在5月14日主持完節目《All The Way with Ray》後隨即榮休,為其逾 70 載廣播生涯畫上圓滿的句號,Andy表示當時Uncle Ray的心情很平靜:「佢係一個灑脫嘅人,退休後都做咗好多嘢,佢係香港最幸福嘅人之一,96 歲退休之後,仲有時間出版中英文自傳,舉行榮休演唱會、97 歲生日會和一個 Thank You Party,我喺佢身上學會了凡事處之泰然。佢為人積極,最大優點係敬業樂業。正如佢喺自傳所言『I do what I love and love what I do』。如果要送一首歌畀Uncle Ray,我會揀《Yesterday once more》, Let's do it again!」
【其他文章】:
李泳豪「表弟妹」合照揭秘密親戚關係 叫黃宇詩做表姨 仲有位20億身家姨丈
江嘉敏月花3萬租風水樓!逼夾客廳彈琴做運動坐窗台睇書 用盡會所設施唔蝕得
盤點娛圈初中高級炫富女星 李嘉欣成櫃首飾未算誇 有人名牌包包砌牆最經典
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ