由「女神」高海寧、彭慧中、陳星妤（前 名：陳聖瑜）跟曾獲封「少年食神」的林澄光（Michael）主持的《吃貨橫掃曼谷》第二集再掀熱話！，食神 Michael 帶三位女神到有過百年歷史的水上市場參觀，眾主持試坐傳統水上的士兼試吃燒香蕉、椰絲奶油薄餅等美食，其間星妤突然瘋狂大叫，還大 力攬住旁邊的拍檔彭慧中，嚇得彭慧中投訴謂：「我耳膜穿喇！」坐在前面的高 Ling 亦被星妤突然其來的舉動嚇壞：「我都好驚呀！」原來星妤是因見到蛇販玩蛇才喊驚，事後她說：「有好多條蛇呀！我唔知點解望望吓呢度一條，嗰度又一條，好恐怖！」Michael 另外還帶了彭慧中及陳星妤吃船麵，由配菜至麵底均可自由配搭的船麵每碗只索價 16 泰銖（約$3.6 港元），由於細細碗容易食，眾人一吃就是 50 碗，之後 Michael 再 encore 嗌多 20 碗，認真誇張！
而吃素的高 Ling 則繼續其泰國身心靈之旅，除吃素食壽司外，又帶觀眾體驗頌缽。頌缽其實是聲音療法，透過同頻共振為忙碌兼壓力大的都巿人放鬆身心，難怪高 Ling 試完頌缽即時叉足電。四位主持亦緊貼當地潮流，穿起特色泰服閒逛有 200 多年歷史的鄭王廟， 眾女神更忍不住擺 chok 甫行 catwalk！
【點擊睇第二、三集精華＋水著鹽花】：
第三集水著上陣！
而去到第三集，Michael 跟彭慧中及星妤到了在曼谷爆紅、被冠以「迷你版馬 爾代夫」的水上漂浮 cafe 食 tea！該 cafe 以獨立小屋別墅設計，私隱度高，配合湛藍的湖水，十足十到了馬爾代夫一樣，難怪兩位女神打卡打到手軟，Michael 則看不過眼問道：「你哋手機冇電未？」
鍾情打卡的彭慧中與星妤更先後換上靚靚泳衣跟陽光玩遊戲兼影靚相；節目所見，二人 身形均 Keep 得甚弗，星妤馬甲線更是隱約可見，問到 Keep 弗之道，星妤解釋說：「其實拍攝水著環節嘅時候，已經喺曼谷留咗一半時間，有食肥到少少，所以拍之前都有戒口，食一啲酵素類嘅食物，等肚仔睇落去細啲。平時嘅話都會定期做 weight training 同埋 body treatment，等身形睇落去比較 slim 啲。」
【點擊重溫三位主持首集浸浴精華】：
【其他文章】：
吳千語為百億男友施伯雄慶生 大合照企中間十足「女主人」嫁入富門在望
許廷鏗激罕晒溫泉相出現神秘黑三角 網民為求「睇真啲」個個放到起晒格
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
