一對男方懷疑被「戴綠帽」的情侶光天化日下在街頭耍花槍，拳來巴掌往，吵鬧聲震天，驚動在旁大廈低層住戶，並拍下嗌霎經過。配有現場旁白的短片被上載至facebook專頁「柴灣人柴灣事」，網民聞風而至飽吃花生，對片中兩人關係評頭品足之餘，更大讚旁述對白精警，強調「識聽一定喺聽旁述」。
短片長5分05秒，一開始見到短裙女懷疑已被壯身材男友搶去手機檢查內容，女方大喊「攞番嚟啦，乜X嘢啫」，接著被男方鬆膊頭推跌，撞落一輛行駛中的小巴車身，險些被輾過。
女子勉強站起後追前扯男友衫帽還擊，雙方經一輪街頭謾罵後，短裙女準備開車門上車時，被男友一擁入懷。但懷疑因雙方一言不合，又再次分開嗌霎，未幾短裙女再被男方擁著，女方雖然一度掙脫，其後再也無力反抗，就範於男方的強力擁抱下，片段就此結束。
識聽一定聽旁述
回應的網民均大讚拍片的旁述，指「啲旁述一流」、「識聽一定喺聽旁述」、「旁述真係好好笑」、「講到好似講波咁」、「真心好搞笑，好彩有你哋旁述」、「旁述得咁精彩，當事人睇到又情何以堪呢」、「真係配得幾好」、「旁述好得呀」、「Like畀配音3人組，有配音精彩好多」。
有網民指「成個故事真係好好笑」，並技養節錄一段配音3人組的旁白：
👨🏻： 哎呀成頂綠帽帶落嚟仲要攬番佢呀？
👵🏻：帽事嘅，同啲朋友出去飲嘢好正常啫⋯⋯
👩🏻：唔係喎，佢同個男人飲完嘢坐的士一齊返嚟喎……仲要畀個肥仔揸車過嚟捉到。
情侶耍花槍實況及網民回應：
配音3人組精警對白節錄：
●有車、有車呀，哎呀、哎呀，快啲扶起佢啦，哦
●無㗎喇，反枱㗎喇
●有乜好check唧，（不在片中）條仔走咗啦，知道自己係第三者
●哦，真係畀人捉到
●（片中）條仔特登開車「僕」住條女返屋企㗎
●住喺度都係屋邨女
●整口煙食下先
●通常D肥仔都好有咪喎
●仲傾咁多嘢做乜啫，晒冷啦
●條女靚啩
●靚鬼，咁細粒，畀都唔好要呀，冇身材呀，要波冇波，要囉無囉
●旁白主動配上對白：「上乜Ｘ嘢車呀，講清楚先啦，Ｘ你」
●依家Ｄ港女多數都揹「菇池」㗎啦，「菇池」萬零蚊
●旁白主動配上對白：「哎吔、哎吔，我唔可以無咗你呀，求下你呀」
●呢個大煙種，俾人綠完仲要攬番轉頭喎，都真無性嘅唧，都被人綠完啦，仲要......
●（女方）呢個係絕對啱啱飲完酒返嚟
●嗱，一喊呢，咁呀個Ｄ仔心軟呢，心軟呢就攬返佢㗎啦
●哈，其實佢哋知唔知我哋幾個睇住佢嘅呢
另有食花生的網民指，「知錯嗱！我要坐寶馬！」、「畀人打完上要上車，真係咩心態」、「拍戲啫」、「證明香港而家啲女犯賤」、「笑死，點打都唔想畀個肥仔打囉～」、「咁樣畀條仔推落地都唔走。咁cheap得唔得㗎？」。更有網友分析場景，指「成單嘢！詭詭地，如果依到係條女主場，點解要上寶馬走？仲要條女到最後都係咁推開條仔！」。
相關新聞：
地鐵MMA雌雄難辨 大叔突知對手是女性「呢樣」瞬間起變化
帖文來源：柴灣人柴灣事
同場加映：
大家樂MMA｜火爆阿伯拳頭爭位 大廚霸氣攔實：夠啦夠啦
網絡流傳影片，有年長食客在上水新豐路連鎖快餐店「大家樂」，懷疑因爭位大打出手，阿伯非常好火揮拳痛擊另一年長食客，雙方爭執不休，店內大廚及職員均出手攔阻，大廚更霸氣大喊：「夠啦！夠啦！」
影片全長約21秒，上載影片的網民指事件發生在本周四(2日)，該網民指兩名年長食客因爭位大打出手，但從畫面看到現場有不少空位。該網民解釋，本來坐滿客，但由於兩人爭執，部分食客「一個個走晒先有咁多位剩」。
本網正就事件向大家樂查詢。
直擊大家樂爭位MMA↓↓↓↓
