香港的土地問題衍生出高難度碌架床式卸貨絕技。有網民在旺角鬧市拍攝到一輛貨車張開尾板，凌空於一輛七人車大銀幕上卸貨，技驚四座。
上載相片到facebook討論區的樓主指，「記得私家車先到，貨車係之後先停埋嚟落貨嘅」，並認為事件最好「唔好畀私家車車主知」；樓主接著補充「應該真係冇」整花架七人車。看得嘩聲四起的網民於是安心地表示「冇hi到就得喇」、「無事發生就無問題啦」，並大讚「高手在民間」、「勁」、「藝高人膽大」、「好功夫」。
碌架床式卸貨實況及網民回應：
有網民小學雞上身，搞笑地將情景搬到課室：
●私家車：老師佢過界
●貨車： 都冇掂到你，嘈咩嘢？！？
●私家車：佢……佢……佢……，侵犯我領空
●貨車：Ｍiss我唔想同啲傻仔一班
●老師🙋🏻♂️佢隔空過界！
網民慨嘆「搵食艱難」
食花生的網民慨嘆「搵食唔容易啊」、「搵食艱難」、「搵啖飯食吓啫」、「風險好大」、「無位又要落貨，睇開D香港人」，並查問這「算唔算高空工作」。另有人好心提醒「搵食啫，洗唔洗咁搏命，咁樣整親分分鐘工傷都無得claim，一個唔該尾板漏油跌落去，又傷身又傷荷包」。
有網民則透露，「工作遇過下揸大車的大哥，吹多幾句其實好x苦，唔係個個客都畀埋停車場錢，就算肯畀都唔係度度有停車場，唯有犯法係街就咁落貨，又要畀其他司機砵同行人路嘅人吱，雖然我都唔鍾意違泊，但有頭髮邊個想食咖喱」。
有行家反映「以前都試過咁落貨，唔想塞住人嘅情況下，真係冇計」，獲回應的網民認同，指「所以雙黃、二泊甚至三泊都會，而真係中招，公司會交罰款，但像相中呢種方式真係有咩自己蝕底，公司都未必會幫你」，而且「違泊出事保險都未必賠」。
有口痕的網友則指，「假如呢架係勞斯萊斯.......」，並估計 「我唔信超跑佢哋夠膽咁」。不過有人反稱「超跑塊尾版可以落低啲㖭」、「如果係林寶堅尼就唔使咁麻煩啦～～成個尾板落晒都得～～」。經一事長一智，有網民因而提醒「<<私家車留意下>>，日後睇到貨車有尾板，跟貼尾板，冇益」。
有細心的網民卻發現相中人大多無戴口罩，質疑「幅相幾多年前㗎」、「張相幾多年前，無人戴口罩」、「係咪舊相嚟，啲途人無戴口罩嘅……」、「冇人戴口罩，張相好多年前？」。另有網民離題地指「見到譚仔招牌⋯⋯有啲聯想」、「我淨係睇到譚仔」。
帖文來源：車cam L（香港群組）
同場加映：
鹹濕仔小巴偷拍「捉到正」 短裙女做錯一舉動 結局大反轉
有短裙港女在小巴上被人偷拍裙底春，她機警地發現「鹹濕佬」的偷拍行為，當場「捉到正」，並拿去手機刪走有關相片，事後港女將影片上網公審該「鹹濕佬」，誰料網民發現她做錯一個舉動，令結局大反轉，其裙底春偷拍片段不但未有刪去，可能反而被公諸於世。
影片全長約43秒，從影片看到事發地點為一間在大埔開出的小巴上，而時間約為去年(2022年)6月25日。
短裙女做錯乜舉動？鹹濕仔小巴偷拍「斷正」全過程（足本字幕版）↓↓↓↓
「手機偷拍」預防方法一帖睇晒（附中文字幕）↓↓↓↓
