演藝人協會日前舉辦春茗茶聚，今年更特別增設「傑出演藝大獎」環節，表揚為演藝界付出寶貴青春的前輩藝人，余慕蓮、江圖及黎宣榮膺首屆得獎者，86歲的江圖雖然未有現身，不過他事前亦有拍片講感受，他坦言自己很喜歡演戲：「將來仲可以叫我演出，我之前喺《叔．叔》戲份雖然少，但好開心，希望再有機會做戲，我未係老到行唔到，仲可以同觀眾見面。」出身粵劇世家的江圖，曾於佛山粵劇團演出，其後在父親朋友引薦下考獲電影演員，取藝名江濤在圈中發展，到了1964年，正式加入新聯影業公司入行並改藝名為江圖。江圖在亞視效力超過30年，有亞視傳奇綠葉，不過因為聽力問題，甚少在幕前演出，近年參與電影《叔·叔》飾演同志超仔，當時為觀帶來不少驚喜！
【點擊睇江圖演出相片】：
單身多年的江圖，本來在20多年前與契仔江暉同住照顧，可惜江暉在2017年的平安夜因肝癌病逝，對「白頭人送黑頭人」江圖打擊頗大：「我哋好似兩父子，佢好照顧我，我又貪靚，佢會幫我打點服裝，我哋一起出去，朋友都讚我哋兩父子嘅打扮一流，佢臨終前託佢嘅表哥照顧我，反正屋企有多間房，我都歡迎佢嚟探我，做義工又識咗契女，佢好好，得閒就嚟搵我飲茶。」其後他亦曾經在演藝人協會的訪問上說過人生有很多悲情，但最悲情莫過於失去最親的人，我鍾意做戲，唔係剩係鍾意做主角，我係鍾意做不同嘅角色，去發揮！」
江圖在1964年開始在香港電影圈拍戲，拍過《香港屋詹下》、《金面俠》、《秋雨春心》等作品，在1971年加入麗的電視（亞視前身），在《星星月亮太陽》更擔任男主角，跟劉松仁差不多是同期，最初發展不太順利，試過轉投無綫拍過《民間傳奇》、《書劍恩仇錄》和《陸小鳯》等劇集，但到了1978年重返麗的，拍到2010年才淡出香港娛樂圈，是亞視忠誠藝人之一。
【其他文章】：
鍾欣潼出席時裝周顏值成為焦點 自信滿滿零濾鏡近距離全程任影唔嬲
康子妮頭部狂撼玻璃門額頭腫至雞蛋般大 傷勢蔓延至雙眼眼頭現血絲臉色蒼白
何超雲34歲生日晒未婚夫恩愛合照 「準外母」激罕現身精神爽利
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
