打工仔OT出動媽媽致電公司要求放人，真是唔死一百歲都有奇聞。有網民以「同事阿媽打去公司問佢個仔收得工未？」為題在網上討論區發文。
媽寶故事看得好事的網民牙養養，建議「公司應該搞個家長日，同各員工嘅家長見見面傾傾計」，並指呢位慈母會「下次再打畀老細計番OT錢」，有人更直言阿仔「炒得」。
樓主講述所見所聞及網民回應：
樓主講述所見所聞，指「最近公司新請咗個同事，好後生，啱啱畢業出嚟。最近公司都有啲忙，所以全部同事基本上都OT。
琴日，果位新同事阿媽就打咗公司電話問佢個仔幾時收工，仲係到鬧咩公司要佢個仔OT O咁耐唔畀佢收工呀，最後仲出動埋老細同果位母親聽電話。老細聽完之後就叫個同事快啲收工番屋企，唔洗佢OT。
不過見老細聽完電話個心情都唔多好，有啲擔心唔知咁樣會唔會影響新同事過唔到試用期呢？不過其實而家OT都係好正常，如果家長打個電話嚟嘈下就可以唔洗OT嘅話，我都想叫我阿媽打下電話。」
回應的網民覺得做法有點小學雞，並預言有關同事的職位危危乎：
•「炒得」
•「仲讀緊小學咩」
•「咁試用期未必過」
•「會唔會畀老細炒㗎 ？」
•「怪獸父母唔知世間疾苦」
•「其實要鬧嘅係呢個阿媽！」
•「下次再打畀老細計番OT錢」
•「你個同事係咪媽寶嚟？？」
•「咁爆趣......過唔過到試用期㗎」
•「咁都得，不過隨時害死佢個仔」
•「公司應該搞個家長日，同各員工嘅家長見見面傾傾計」
•「老細之後有冇出本手冊畀你同事？以後叫佢老母簽名。」
•「好快炒得，好心佢老母就畀多D零用個仔，咁佢咪唔使返工囉」
•「或者媽咪緊張個仔唔係真係加班，去唔應該去嘅地方，或誤交損友」
•「好明顯你呢個新同事，只不過是喺你公司工作，係一個短途嘅過客嚟啫」
網民體諒啱啱出嚟做嘢需時適應
有網民覺得「你老細咁好人？其他人應該叫佢以後唔駛返」、「一句講晒，我諗你唔係好適合我地公司，sorry。」有網民體諒地表示，「啱啱出嚟做嘢，係要啲時間適應」，另有人則指「叫阿媽開間公司畀個仔做老闆，想幾時收工就幾時」。
另有人講述自身經歷，指「10幾年前我見過有位10幾歲仔（剛畢業）嚟見工，我經理事後話佢亞媽要陪佢面試見工，佢亞媽問問題/講嘢仲多過佢個仔。唔洗講最後我經理話叫佢返屋企等通知（唔會請佢啦）」。
更有人提到「之前公司試過有個男同事做嘢好差，所以晚晚都要OT， 有一日佢老婆打嚟問老細佢老公係咪成日OT，點解畀咁多嘢佢老公做」，回應的網民卻像看透世情，指「可能驚老公扮OT其實有第2個啫」。
帖文來源：香港討論區
同場加映：
男女街頭混戰 壯男不敵瘦女被扯髮暴打抱頭竄
網絡有影片熱傳，澳門關閘廣場外有男女起衝突，壯碩男子最後不敵身形瘦削的女子，遭扯頭髮打頭，抱頭鼠竄狼狽不堪，最後由其他路人解圍。
影片全長近3分鐘，地點在關閘購物中心外，一對男女在扭打，身形瘦削的女子明顯佔上風。
男女街頭MMA 壯男不敵瘦女
該女子扯著男子頭髮，更一度半騎在男子身上不斷拍打其頭部。
【直擊男女街頭MMA↓↓↓↓】
至於男子則彎腰抱頭，掙扎企圖擺脫狼狽情況，現場有多名途人勸交，女子最後被拉開，男子才成功脫身。
男子掙脫後，又再向女子挑機，大喊：「打人呀，打人呀，打人呀，咁多人見著你打人呀。」女子一度欲衝前再打，但被人攔住。
