由馬國明、陳山聰、唐詩詠、劉佩玥（Moon）、劉穎鏇（Tiffany）等主演新劇《隱形戰隊》前晚（6日）首播，繼第一集劉穎鏇穿貼身小背心「 彈吓彈吓」打喪屍引起哄動後，昨晚（7日）一集輪到33歲劉佩玥以「羅拉Look」激凸登場，飾演臥底Shadow的她一出場即戙腳兼掹槍指嚇「黑幫頭目」林偉，霸氣十足。而整晚最精彩一幕，必定是劉佩玥跨騎在馬國明身上為對方治理傷口，事關她於劇中盡施姣功分散對方注意力，可謂性感程度爆燈！
【點擊睇劉佩玥性感療傷照】：
劇情講述，劉佩玥幫馬國明從腹部傷口中拔出玻璃碎片，其間為分散男方注意力，她不惜又咬唇又拋媚眼，仲嗲爆嬌嗔：「我幫你啦，會舒服啲架，我哋嚟喇喎。」身穿低胸小背心的劉佩玥，更俯身盡晒脹卜卜豐滿上圍，雖然劇中馬國明自稱一額汗，分散注意力法完全無效，但一眾網民看畢此幕即「暴動」，紛紛爆粗大叫劉佩玥索到爆，更大讚她S字身形超火辣：「劉佩玥正到痴Ｘ線」、「超性感」、「好有女人味」、「想俾佢踩」、「套衫咁正，TVB邊個設計？」，有不少網民更加指劇情「拍到AV咁」，未知馬國明未婚妻湯洛雯睇見可會呷醋呢？
劉佩玥受訪時透露與馬國明已建立默契及信任，故拍攝時零尷尬，最辛苦反而是笑個不停：「我哋唔係焗蟹，係直情笑咗出嚟。嗰場我相信所有工作人員冇一個係唔笑，馬明其實係冷面笑匠，佢唔需要做啲咩已經好好笑。」她又謂不介意做「誘惑擔當」，皆因認為角色愈不像自己愈有挑戰性，更預告將有「更爆」場面，劉佩玥坦言事前也有節食及做運動修線條：「Shadow係好亮麗嘅角色，所以我都要Keep住最好狀態，除咗表面要靚、要精神，仲要好弗。」劇中，常以臥底身份查案的她形象百變，稍後還會以行政人員、一樓一鳳及白恤衫睡衣Look亮相，令人期待。
【其他文章】：
佘詩曼西貢豪宅曝光 媽咪家中宴客大展廚藝 逾千萬獨立屋市價翻倍
「啫神」徐錦江激罕現身仍然霸氣十足 兒子盡得真傳身高達190CM屬高大一族
前「TVB御用妹仔」伍慧珊近況曝光 曾一年僅賺幾千蚊 離巢轉戰內地夜場風騷吸金
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
