「旅遊達人」杜如風因為超級自戀兼自大，再加上經常炫富，試過自爆屋企有過千對鞋，物質主義形象深入民心，結果被網民封為「世界級港女」！日前杜如風現身好友郭偉亮（Eric Kwok）和師兄劉浩龍主持的J2節《鋪鋪 Poker》，竟然被好友大爆「衰嘢」，仲因為呢一樣嘢，結果搞到：「喺呢15 年所有人都放棄咗佢」！
【點擊睇「世界級港女」杜如風過往相片】：
在節目上，Eric Kwok形容與杜如風的關係「熟到冇得再熟」，認識超過20年以上，，他笑稱見看到今時今日的杜如風，總算老懷安慰：「又有事業心，又冇遲到，其實呢 15年嚟，我哋所有人都放棄咗佢，佢係一個冇責任感、淨係顧住玩、從來唔守時嘅人，約佢今日可能第二日先到，好離譜。不過你發夢都估唔到，佢而事業心重，有規律，仲好準時，我都好震驚。」劉浩龍亦不住說：「本來佢好似喺我人生裡面消失咗，但係今日重新喺呢度出現，玩得好開心。」
聽到好友們的說話後，杜如風亦急不及待為自己「洗白」：「我冇遲到幾年喇，係喺我開始冇乜嘢做嘅時候，覺得自己係咪應該做返好啲個人呢，我得道咗，而家我有早到㗎。」其後糖妹又問杜如風有否打算生小朋友，一旁的 Eric 搶答：「我諗做佢嘅小朋友都唔想出世。」本來杜如風和應：「都幾大鑊㗎！」不過師兄即說：「未必，可能係一個大變化，再醒啲，想當年 Yumiko (鄭希怡) 最憎細路仔，要殺死晒所有細路仔，一見到佢哋就話要整喊佢，最憎，點知而家整咗個梁浸浸！」
多年來杜如風的感情生活亦有不少話題，多年來曾與黃又南、導演郭子健、余文樂等人傳過緋聞，又自爆自己在年輕時很多人追求，曾有三位追求者揸名車到她的工作地點接她放工，又試過多次被人求婚，不過感情仍未有着落，單身了9年的她更說：「我都想有拖拍，又冇人追。我想講做咗十幾年旅遊節目，拍攝期間從來都冇艷遇嘅，你話死唔死，係香港已經冇，但無論去到世界邊一個地方，都係冇艷遇嘅，呢件事從來冇都好沮喪，不過算啦靠自己。」她更揚言目前擇偶要求已經不高，眼耳口鼻齊就可以。
【其他文章】：
吳京舊照網上瘋傳青靚白淨樣勝時下小鮮肉 傳曾力追樊亦敏因窮被拒愛
洪欣十指緊扣疑出軌老公張丹峰！現身機場變「翻版世紀一拖」 網民嘲諷多過祝福
62歲陳玉蓮低調現身聚會被集郵 靚樣依舊散發優雅氣質 合體《巨人》陳法蓉掀集體回憶
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
