一名港女於Instagram（IG）貼相發布限時動態，聲稱相中的3名地盤工友「淨係用對眼已經侵犯緊我」，並發文指3人「以一副有恃無恐嘅眼光咁望住我」，批評「如果懂得避忌，知羞恥，我係唔會影到一張咁嘅相」。
結果圍爐不成反遭網民以「小學雞都明」的理論圍攻——「你唔望人點知人望你」，並指「佢哋3個見你係咁望佢哋，仲偷拍，佢哋覺得你仲奇怪」、「唔想畀人望咪笠住個膠袋先出街」、「兜咁大個圈想人話佢索靚正」。另有網民認出現場為觀塘「麗港城」一帶。
港女聲稱遭眼光侵犯實況及網民回應：
該名港女發的公審帖文如下：
「尋日中午時份，我由公司樓下行去巴士站，圖中果3個男人一直跟喺我後面，當中有對我指指點點，評頭品足，其實我一直都有呢類型嘅遭遇，我慣慣哋，可怒不可言。
我一直行到去途中（圖中）嘅安全島，我同嗰3個男人都要停喺度等車過。而佢地仍然都係用D咁侵犯嘅眼光望住我。
我已經直視返佢哋示意我嘅不滿，然而，佢哋仍然係一副有恃無恐嘅眼光咁望住我，擺到明咁不懷好意地望，所以我先影到一張咁嘅相。如果一個人懂得避忌，知羞恥，我係唔會影到一張咁嘅相。一個人唔識尊重人，唔識尊重自己，其實同佢著咩衫冇關，做咩職業無關。反而係呢D咁嘅人，拖垮咗佢嘅職業。
本來咁小事，唔想講太多，但係我見咁多人都將呢件事牽扯到職業上，我唔想抵毀咗人哋。其實我都係想要一個平視嘅對待。我行得正企得正，對得住天地良心。我都未驚過。」
轉載相片的網民則指，「我發覺宜家行出街真係好大壓力，唔可以向前望，又唔可以周圍望，只要你係男人，就唔可以抬起頭做人」。網民紛起和應，對港女的語論各有各鬧：
•即刻扮上菜
•望下都公審，巧驚丫
•我見到「自己攞嚟衰」
•唔想畀人望咪笠住個膠袋先出街
•有自信都係好嘅......不過個幾個呀叔比人屈就慘D
•呢個帖已經完美演釋佢點樣已經習慣比人評頭品足
•佢3個見你係咁望佢地，仲偷拍，佢哋覺得你仲奇怪
•可能對家都有同感⋯⋯想嘔，兜咁大個圈想人話佢索靚正
•我覺得佢只係睇唔起地盤工人，如果西裝友望住佢睇下佢出唔出聲
•其實我想知，佢當時的衣著如何，會唔會好暴露，身材會唔會好正，有咩特點可以引人望住你呢
•其實就算望，都唔代表係覺得你吸引，只係望吓啫，咁就大壓力，似乎係自己本身有mental issues（心理問題）
有網友讀畢廣大網民回應後作出總結：「見到裏面一面倒100%嘅留言我就放心晒」。
帖文來源：大埔 TAI PO
相關新聞：
瑜伽褲女搭港鐵遭「視姦」 公審大叔猥瑣狂𥄫 網民竟唔buy
同場加映：
鹹蛋超人慘遭小朋友「鹹豬手」Ｏ晒嘴 網民笑翻：再強也有弱點
網上流傳一段短片見到鹹蛋超人慘遭小朋友「鹹豬手」，超人「遇襲」後即使隔著面具，也彷彿看到「O嘴」驚愕表情，笑翻網民。
片中見到鹹蛋超人在街頭緊握拳頭，擺好姿勢接受fans圍觀，見到一位小童上前與超人握手，摸過超人粗壯的手臂後，竟將視線轉至超人胯下，小手開始不安分起來，從捉著超人的手開始慢慢移開，向「小超人」位置進發實施偷襲行動。
小童「手到拿來」實況：
面對「偷襲行動」，嚇得原本企得直直、威風凜凜的超人連忙彎身退縮，馬步不穩後退兩步並擋著重要位置護體。網民都被小朋友的天真舉動笑翻，問「哈哈哈哈哈哈，我到底看了甚麼」。有人則嘗試替超人配音，吐露心聲「不要亂摸，等下很尷尬」、「要小心」、「多手」。另有網民抵死地將「鹹蛋超人」改名「鳥蛋超人」，形容做法好比「猴哥抓桃」，也發現了「再強的超人也會有弱點」。
有相信是家長的網民指，是「小孩子好奇心」、「跟我的孩子一樣」。翻看資料，網上另有一段相似的小童「偷襲」超人短片。
----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
