網絡有影片熱傳，有筋肉男聲稱在港鐵內被一名黑衣人無故亂打，筋肉男非常克制沒有還手，報警後即時揪實黑衣人，舉手機自拍講足6分多鐘作證據，期間屢爆金句，包括「我大隻唔代表要畀你打」、「大隻有咩犯規？」、「香港人唔會好似你咁，唔會走，承擔囉」，引來網民熱議。
事發在本周二（3月14日）下午，地點在港鐵旺角站。筋肉男捉實涉嫌施襲者，拿起手機自拍，並將影片上載其個人Instagram。
黑衣人施襲斷正 大隻仔6分鐘精警獨白｜足本字幕版↓↓↓↓
（事發在本周二（3月14日）下午）
（地點在港鐵旺角站）
（路人拍到影片，看到筋肉男揪實黑衣人，舉手機自拍。）
地鐵職員無㩒住佢，佢打我幾拳，流晒血。
佢坐硬監，打我幾拳，踢我部手機，手指畀佢打中晒。
佢走喎，我梗係唔X畀佢走啦。
打交？你坐硬監，你坐第3次，無啦啦「中」X我。
好在港鐵有CCTV，影到晒。
我梗係啱啦，捉你梗無事㗎，我畀你打呀？
唔關事，我大唔大隻，我保護自己。
坐硬監啦，唔駛講咁多嘢。
你健美教練？講咁多嘢，你道友㗎嘛？咁X瘦。
道友？道友！唔好話係健美教練。
我睇小你，定你睇小我呀？我睇小你咩呀？
你仲要飲酒先打我，CCTV影住。
我唔使理你，你做咩唔緊要。
你梗係唔驚我啦，你打X咗我啦嘛。
你講咩唔緊要，好在地鐵有CCTV。
梗係捉住你，走幾次呀大佬。
我唔驚，你再打，我畀你打呀，你打呀。
（黑衣人：我真係驚你㗎。）
有邊個唔驚我？XX仔，XXXX，話自己健身教練。
你識邊個唔緊要......
我梗係捉住你，你走㗎嘛。
佢同我講，坐X咗兩次監，依家咪坐第三次囉。
我嘅心臟跳得好X快，我好X驚，其實我爭啲暈㗎啦。
我仲乜打你，你當我白痴呀，你白痴嚟㗎，我梗係唔係白痴啦，我商人嚟㗎......
我香港人，我做個香港先生添，香港人好似你咁，死X咗啦，好似你咁。
你啱呀，香港人唔會好似你咁，唔會走，承擔囉，坐監囉。
（黑衣人這時不斷自言自語）
唔好行咁埋，我話你知。
我係傻㗎咩？我會打佢？我話畀你哋聽，佢賠硬工傷畀我。
我無事？我手指中X晒。
我好X強？我大隻唔代表要畀你打。
大隻有咩犯規？......做咩事畀人打？打X咗三錘。
佢話佢自己健身教練喎，唔好影衰咗健身教練，香港就係好多呢啲話自己......
唔好呀，唔好，你爛仔嚟㗎，唔好影衰咗健身教練，你爛仔嚟㗎，你爛仔嚟㗎，你爛仔嚟㗎。
（筋肉男一度在鏡頭前展示舌頭傷勢）
（這時警員到場調查）
（筋肉佬坐下）我暈啦大佬，佢走X咗三四次，佢打X我手都腫埋。
我暈啦大佬，佢打X咗我幾拳，你睇我手指腫埋......佢走X咗三次呀。
我有報警。
佢打我三拳，睇吓我腫晒，
佢走，地鐵職員唔理，我先捉住佢啦。
我畀人打，大家幫我做證。
佢話佢黑社會，你哋要保護我......你哋可唔可以扶我呀，我腫X晒。
(筋肉男最後應警員要求停止直播)
港鐵發言人回覆傳媒查詢時表示，旺角站在周二（3月14日）下午約5時20分有2名男乘客爭執，職員報警求助，期間曾勸告該2名乘客停止相關行為，並在場維持秩序，事件交由警方處理。
警方發言人表示，周二（3月14日）下午約5時23分接獲報案，指有兩名男子在旺角站打架，人員到場後拘捕一名姓盧(41歲)及一名姓何(31歲)男子，涉嫌「在公眾地方打架」，兩人報稱受傷，由救護車送院。
-------
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
