剛憑首部執導電影《正義迴廊》奪得香港電影導演會新晉導演獎的何爵天,最近再有截然不同新作《死屍死時四十四》,他大讚演員出色,特別是前輩劉江和黃文慧(Bonnie),更因兩人演得太出色而不斷加戲。講到《正義》獲金像獎15項提名,他就睇好能夠憑編劇奪獎。採訪:杜杜
何爵天認為新導演不應只拍自己擅長的電影,應該挑戰更多類型才能豐富經驗。
《死屍》由何超儀投資,早在《正義》未上映已邀請何爵天執導此片,何導演感激監製錢小蕙、翁子光和楊偉倫推薦他,「錢小蕙係楊偉倫經理人,嗰時佢只係見過我喺現場執行拍攝,一場《正義迴廊》嘅戲都未睇就推薦畀超儀,所以真係好感激佢哋嘅信任,仲要多謝翁子光同楊偉倫幫口,全靠佢哋同監製講,令佢哋對我有信心畀呢次機會我。」他表示很欣賞超儀演出,希望下次有機會以導演及演員身份合作。
![何爵天表示《死屍》群戲極多,較《正義》有較多衝突戲難度更高。](https://image.hkhl.hk/f/1024p0/0x0/100/none/06a11009e6eebe3385162d6ebfed1a81/2023-03/IMG_5945.jpeg)
何爵天表示《死屍》群戲極多,較《正義》有較多衝突戲難度更高。
睇好《正義》奪編劇獎
何爵天在《死屍》跟很多演員初次合作,他大讚每個演員都好出色,演喜劇出色的毛舜筠和鄭中基(Ronald)當然令他好放心,「毛姐拍完嗰日戲,會返屋企再諗吓有咩可以做好啲,之後提議補戲,Ronald喺現場一樣會畀好多意見,令件事更加好。」而兩個活寶貝劉江和黃文慧,何爵天更加讚不停,「好記得Bonnie姐圍讀已變咗個角色,雖然劉老師話自己比較少拍喜劇,但樓梯嗰場戲會加啲同自己打氣嘅嘢去豐富角色,所以我忍不住加咗佢哋戲。」
![何爵天讚《死屍》內每個演出都演得好,特別是前輩劉江和黃文慧。](https://image.hkhl.hk/f/1024p0/0x0/100/none/a992d7532ffc40f1b0647ff83fd8635a/2023-03/DSCF7234.jpg)
何爵天讚《死屍》內每個演出都演得好,特別是前輩劉江和黃文慧。
![毛姐在戲中跟余香凝演母女,黃又南演其女婿。](https://image.hkhl.hk/f/1024p0/0x0/100/none/9c8e07392ac0c462ef52c03057131e82/2023-03/%E6%AD%BB%E5%B1%8D%E6%AD%BB%E6%99%82%E5%9B%9B%E5%8D%81%E5%9B%9B_%E5%8A%87%E7%85%A703_3000x2000px.jpg%20%E7%9A%84%E5%89%AF%E6%9C%AC.jpg)
毛姐在戲中跟余香凝演母女,黃又南演其女婿。
![《死屍》中,鄭中基和呂爵安飾演關係極差的父子。](https://image.hkhl.hk/f/1024p0/0x0/100/none/a79ec9f430f674f455cd201528a77539/2023-03/SAL_2132a%E5%89%AF%E6%9C%AC.jpg)
《死屍》中,鄭中基和呂爵安飾演關係極差的父子。
何爵天坦承最初收到錢小蕙邀請戰戰兢兢,因黑色喜劇是新挑戰,但他認為新導演更應該嘗試不同類型作品,「雖然兩套戲好似唔同類型,但都係講社會上大家面對嘅問題,都係好貼地。」對於《正義迴廊》獲金像獎15項提名,包括最佳導演及新晉導演,他就希望團隊得獎多過個人奪獎,「個人獎真係冇乜信心,提名嘅新導演個個都好出色,最佳導演更加唔敢諗啦!比較睇好就係編劇得獎,其實團隊得獎自己會更加開心。」
何爵天在香港電影評論學會會長鄭政恆手上,領取《正義迴廊》推薦電影獎。
![《死屍》作為《大阪亞洲電影節》開幕電影,早前何爵天和黃又南親到大阪跟影迷見面。](https://image.hkhl.hk/f/1024p0/0x0/100/none/66238817493e910a94e852a824ce148e/2023-03/568A9664.jpg)
《死屍》作為《大阪亞洲電影節》開幕電影,早前何爵天和黃又南親到大阪跟影迷見面。
新網站 www.stheadline.com 已推出