有舒適的床上用品的確能夠「讓你每晚安寢無憂」。繼躺梳化後，一名脫掉波鞋的短褲男子被發現在IKEA（宜家）店內床鋪上忘我熟睡。網民以「只要有心邊度都係屋企」為題，將在床上倒頭側睡的相片上載至facebook討論區。回應的網友似是見慣不怪，一唱一和食花生：
短褲男IKEA店內床鋪上忘我熟睡實況及網民回應：
網友甲：「踢X咗佢隻鞋走喇」、
網友乙：「算有良心，除鞋」、
網友丙：「自己屋企嘛，要乾淨啲嘅」、
網友丁：「大眾居所」。
網友Ａ：「唔試吓點買呀？」、
網友Ｂ：「人哋可能已經落訂買咗」、
網友Ｃ：「唔瞓得著，點知道呢張床好唔好」、
網友Ｄ：「床褥起碼要瞓兩晚先試得真」。
另有人好服侍，指「有無人幫佢熄燈」、「幫佢冚被」，甚以馬姐口吻：「大少，落客廳食飯啦」。
帖文來源：好fashion呀你
相關新聞：
宜家顧客貪睡一刻「有家的感覺」 網民陰謀論大爆發
同場加映：
車Cam直擊｜「皇帝」西環氣宇軒昂過馬路 網民緊張：快護駕
再有市民目擊「皇帝」在鬧市出巡，並將皇上在西環石塘咀山道對開，氣宇軒昂、闊袍大袖橫過馬路的車Cam片，以「皇上搭地鐵」為題上載至facebook「馬路的事討論區」。
在日期標明是昨日（18）的短片中見到，攜有龍袋的皇上英姿颯颯，走路有風般一路沿馬路前行，向港鐵香港大學站入口進發。回應的網民不但護駕心切，還不經意地洩露了皇上的機密行蹤，指「今朝喺機場見到佢」、「早兩星期文咸東街又見佢」、「係西環均益見過皇上入7-11買嘢食」。
皇上出巡實況及網民回應：
有人上載其他「皇帝」出巡相片，指「上個禮拜先見完」、「有次係銅鑼灣IKEA見到，應該都係佢」，回應的網民指「佢成日去IKEA出巡」，甚至形容銅鑼灣IKEA為「御店」。從網民上載的另一張閃燈相片可見，相中皇上揹著發光背包，網民提醒「重點係佢背囊啲字——好腰好腎絕世好男人」。
難得見到「皇帝」，網民慶幸「時運高」，並連忙行禮「參見皇上」，有人則笑指樓主「帶蛋鵰文，仲唔落車護駕」、「大膽 ，立即下跪」、「護駕！！！護駕！！保護皇上」、「又唔下跪又唔護駕，無禮」，甚至代皇上傳話：「同朕check下去天后要坐幾多個站」、「快d幫朕check吓下一班車幾時到！？」、「坐咗半日時光機都攰，朕返酒店稍為休息」。
網民：唔知洗銀兩定洗港幣？
網民對皇上的日常生活相當好奇，問「皇帝都要戴口罩 渣ga」、「唔知佢洗銀兩定洗港幣」、「啲公公呢？」、「年代唔同了，始終馬車比較少，拍卡比較方便」、「九五之尊」、「朝九晚五的專業人士：九五之專」、「件龍袍係咪淘寶買㗎？」。
說到「九五之尊」，難免叫人想到曾拍攝劇集《九五至尊》的主角，網民呼喚「江華？」、「江華嚟嫁！」、「穿越嚟㗎」、「穿越時空」、「穿越了」。
皇上出巡車Cam直擊：
相關新聞：
「皇帝」出巡穿梭港九 時間旅人驚現港鐵站
----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
