春回大地萬物甦醒，昆蟲活躍之時又恰巧碰上清明節，有港女近日在facebook討論區發帖指「一到清明，阿媽見到昆蟲就話係先人返嚟搵我哋......」，驅趕不得，她與胞姐便被飛蛾嚇破膽，希望母親能夠「理智少少」。結果，有網民提供了一個兩全其美又「安全」的活捉方法......
樓主原文指，「阿媽本身都幾迷信，早幾日有隻都幾大隻嘅飛蛾飛咗入屋，之後係個廳上面盞燈飛咗好耐都唔肯走，因為我同家姐都幾驚呢啲識得飛嘅昆蟲，於是我就諗住去廁所拎起枝殺蟲水一嘢噴死佢。點知阿媽就叫我千祈唔好咁做，仲話呢d昆蟲一到大時大節飛入屋，肯定係你個爺爺返嚟搵我哋，仲叫千祈唔好噴死佢，如果唔係到時清明去拜山對d祖先真係大不敬咁話......」
樓主原文及網民回應：
樓主續稱「呢個時候家姐已經驚到癲咗仲要衝埋入房，阿媽叫我哋由得佢係度飛咪算囉，仲話佢真係唔肯走嘅就拎個拍趕佢走算啦。聽到呢句我真係搲晒頭，如果日日都有昆蟲飛入屋，係咪全部都係我哋d阿爺同阿公返嚟探我哋？最後我哋睇住隻嘢係個廳度飛咗成晚佢終於都肯飛走，但係真心覺得阿媽好迷信，真心想問可唔可以理智少少？」
有回應的網民附和樓主母親大人看法，指「寧可信其有」、「每年拜山嘅時候，老人家都係咁講」；有人還講及自身經歷，「我屋企從來冇飛蛾入屋，我家姐結婚果晚係唯一一次。阿媽話係阿婆。信不信自己決定」。
另有網友則指「當然要順從媽媽的意思，不過佢有佢信，你有你不信。而我當然係唔信喇」、「以佢嘅邏輯，仙人成遊魂野鬼，冇得輪迴」。有人則反問「屋企成日都有蚊有曱甴，係咪唔好理佢？」、「如果有隻大曱甴入屋咁點？」。
最終有精明網民提供了個兩全其美又「安全」的活捉方法——「其實，任何冇謂殺生，可免則免。多，冇計。少，用膠袋捉到，放生」。
帖文來源：香港討論區
相關新聞：
清明掃墓高峰期曾咀化寶需預約輪籌 網民：香港變排隊港【附預約步驟】
相關新聞：
清明節熱議「拜完山啲嘢唔拎返屋企食」 網民咁講一聽即明
相關新聞：
鬥早掃墓？ 周日打蛇餅等車入曾咀 提早幾星期拜山網民知點解......
同場加映：
慈雲山蝙蝠倒掛鐵閘 網民神預言：呢家人會發達
慈雲山一名街坊回家時，驚見家門鐵閘外倒掛一隻懷疑蝙蝠，網民即時叫好，齊賀「福臨門」。但也有被嚇壞的網民不相信自己眼睛，指「Halloween啲蝙蝠公仔嚟㗎咋」。
蝙蝠倒掛鐵閘實況級網民回應：
夜歸的樓主日前在「慈雲山資訊交流」facebook專頁上載相片，並留言「喺門口好大隻蝙蝠」，不過「一行過去佢就飛走」。
事件獲網民高度關注，並群起恭賀，指此乃真正「福到」的吉兆，是「福臨門」，並預言「呢家人會發達」、「好嘢嚟㗎，依家人一定有運到」，但提醒「牠走左之後要消毒鐵閘，因為蝙蝠身體帶有多種病菌，小心為上」。
另有網民被蝙蝠嚇到，指「咁恐怖」，並建議請「保安上來捉咗佢」，或「用掃把撥走佢」。更有網民不相信自己的眼睛，指「Halloween啲蝙蝠公仔嚟㗎咋，咁恐怖行過會唔會驚動到佢㗎」，有回應則指「俾佢咬一啖，係咪真係會變蝙蝠俠？」
不過，有網民質疑「會唔會係大飛蛾，細個見唔小，大過手掌，蝙蝠正常唔會飛來住宅，同咁光地方」，樓主則回應「蝙蝠同飛蛾都分唔清咩」。
帖文來源：慈雲山資訊交流
同場加映：
酒樓老火湯舀到「洗碗布」 飲完煲底驚駭現身 酒樓居然「咁樣兜」
有廣州網民全家到一間酒樓食晚飯，叫了一大煲老火湯，飲到煲底，湯中驚駭地浮現一大塊「洗碗布」，食客即時反胃嘔吐大作。
點解湯煲內有「洗碗布」？酒樓主管稍後到來，面對質詢，誰料居然「咁樣兜」，令食客怒上加怒。事件發生在上周六（18日）下午，事件在網上引發熱議。
老火湯驚現「洗碗布」 酒樓居然「咁樣兜」（足本字幕版）↓↓↓↓
網民對事件議論紛紛：「虧經理還能說出這樣的道理，好像整件事都很合理？食客發現洗碗布才不合理？」「這個是道歉的態度？」「加料不加價。」「比吃出老鼠還噁心。」「起碼10年都有陰影。」「名副其實的刷鍋水。」
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
