天文台昨日（25日）發出今年首個黃色暴雨警告信號，多區應聲水浸。網民上載一段短片，見到道路水浸下，鐵騎士在土瓜灣駕車穿過水氹濺起大量水花。由於影片角度「好有打機feel」，觀眾如後座乘客與司機一同顛簸，網民興奮大呼感覺「好震撼」。
樓主以「今日土瓜灣……真•水上電單車！」為題，上載長14秒的「水為財」短片，見到鐵騎士在道路上風馳電掣，逢氹過氹，期間還禁不住發出「嗚噢！」歡呼聲。回應的網友指像在「水上樂園」玩，「乘風破浪」、「如入無人之境」，似「摩西分紅海，令我諗起『海底奇兵』」。
另有人表示「睇落好玩呀。不過好牙煙咁」、「啲水浸到好似真係玩緊水上電單車咁」，指「揸電單車要著水鞋泳衣」，並關心「有冇著救生衣？」、「底褲有冇濕？」。
真•水上電單車實況及網民回應：
由於見到車頂有篷像「泰國篤篤」，網民於是將此車形容為「香港篤篤」、「唔講以為去咗泰國玩篤篤」、「唔知以為你喺泰國玩水上電單車」，有人還從實際角度分析頂篷的作用，稱「其實個頂只係防到個頭唔濕」。
有眼尖的網友卻發現，鐵騎士「唔戴頭盔」、「師兄你未帶頭盔」，有人回應指「無帶頭盔，應該係三輪車」。對於拍攝角度，有網友「好想知個cam裝依個位，淨影後尾枕有咩用？」，有人則指「初頭以為係p圖」、「好有打機feel」、「呢個角度好正」。另有人佩服「好嘢喎師兄架車冇死火」、「勁，咁重平衡都冇跌車」、「唔炒有料到」。
帖文來源：車CamL（香港群組）、屯門友
相關新聞：
汽車冷知識｜鐵騎三輪車 又威又唔使戴頭盔 攞咩車牌泊咩車位話你知
相關新聞：
黃雨下天橋翻江倒海 電單車硬食高壓冲洗 網民：洗滌心靈
相關新聞：
今年首發黃雨警告 網民靠一招預知大雨臨頭
相關新聞：
黃雨下多區水浸 流浮山車輛涉水而行 元朗丹桂村外積水一度封路
同場加映：
港公路驚現兩流浪牛MMA 激戰畫面罕見 塞兩線司機睇到咔咔笑
香港出現鬥牛奇觀，兩頭大黑牛在公路上角力，左右兩邊行車線出現難以置信的超現實「塞牛」情況。網民以「呢位先生，唔好打交」、「麻煩兩位唔好打交」為題上載一段長約27秒的大戰短片，網民都牛咁眼觀戰。
短片見到兩隻流浪牛在馬路中心角力，兩牛以角互推較勁，各不相讓，到片段第24秒，左牛蓄力爆發，將對手撞後兩三個牛步，繼續於右邊行車線爭持。樓主在回應網民查詢時指，「前邊砵咗，（牛）照打」、「佢地打打下打咗去對面線，我同前邊白色車即刻地板油走」，觀戰為時約「兩三分鐘到」。
公路上鬥牛實況及網民回應：
兩牛大戰阻著兩邊行車線造成長長車龍，現場剛好有一輛停於牛前的紅色私家車，網友特別為這車擔心，指「紅色車果位朋友情況好危險」、「整花㗎車真係冇仇報」。
因應這單牛牛界的「街頭MMA」，識睇真是要睇網民生鬼回應，眾人的第一反應是「去咗西班牙？」、「免費鬥牛show」、「免費鬥牛比賽睇千載難逢！」，並聯想起能量飲品「紅牛Logo噃」，接著難免要講番句廣告經典口號「Red Bull 送你一對翼」。
對於這場因「牛脾氣」而起的「公路上的鬥牛」、「真•鬥牛」，有網友估計「兩位牛哥係咪爭女打交呀」，並爭相做和事佬勸交，指「好牛唔攔路」、「牛先牛先唔好打交」、「牛大哥，萬事有商量」、「有咩事慢慢講，唔好郁手郁角」，還有人獎門人上身，指「你只要開窗講一聲super，佢地就會走開架啦」，並問「點解冇人勸交」、「搵個著紅衫嘅引走佢倆位」。
另有人維持秩序，不斷呼籲「打還打，上翻行人路打」。見到牛牛踩著雙白線埋首角力，網民一方面吶喊「扯大攬，過界就贏架」，也替馬路之友擔心，指「分不到高低所有車都行唔到」、「可能係2023最無奈的塞車原因」、「最可愛嘅塞車原因」。。還有財經敏感人士感應到「股票大升」、「牛市呀」。
帖文來源：車CamL（香港群組）、屯門友
同場加映：
接新娘罕見意外片瘋傳！伴郎踢爛門 「隔山打牛」踢飛伴娘
網絡熱傳一段接新娘罕見意外的影片，伴郎在撞門環節，疑用力過猛，竟踢爛門，將門後頂門的伴娘踢飛，撞到人仰馬翻。
這段「隔山打牛」的影片全長約8秒，近日在本港多個社交平台熱傳，引來網民熱議。
接新娘罕見意外 足本逐格睇↓↓↓↓
網民熱議影片，認為接新娘要注意安全，別樂極忘形，產生意外：「睇到都覺得痛。」「這伴娘以後都不敢做了。」「心理陰影恐怕要十年以上。」「伴郎比新郎心急。」「隔山打牛原來可以用在鬧新房上，領教了。」「新娘處變不驚，更加佩服。」
新娘遭男賓客「利是塞胸口」↓↓↓↓
奇葩結婚儀式過去亦偶有出現，當中部分有性騷擾之嫌，最經典的是2017年底內地一場婚禮，新娘被灌酒，而眾多男賓客則將利是往新娘胸口狂塞，事件曾被外國傳媒廣泛報道。
