新冠疫情專頁| 第五波疫情專頁

繼網民早前拍攝到有旅行團團友疑在土瓜灣街頭開餐吃兩餸飯後，再有人拍攝到一群疑似遊客在淺水灣公廁對開街頭「立食」杯麵的奇景。

樓主昨日（26日）下午以「兩餸飯團餐都無得食，一人一個杯麵企係淺水灣公廁條街到食就夠晒飽肚，咁玩法香港D茶餐廳會唔會執好多㗎？......」為題，在facebook討論區上載兩幀照片；轉載相片的另一facebook討論區則以「淺水灣深度遊」形容有關情況。雖然事件獲網民熱烈討論，但有人則提醒「是不是真？樓主好似估估下，有冇問一問？咁快下判斷？」。

雖然未知相中的疑似遊客來自何方，已引起網民高度關注，有人指「哈！真係奇觀」、「何其壯觀」，有人則批評「影響市容」，另有人擔心影響香港形象，指「過門都係客，真係失禮人」、「......睇見心都疼」、「好心痛⋯⋯」。

「立食」杯麵實況及網民回應：

有網民拍攝到一群疑似遊客在淺水灣公廁對開街頭「立食」杯麵。網圖

樓主指「一人一個杯麵企係淺水灣公廁條街到食就夠晒飽肚」。網圖

事件引起網民高度關注。網上截圖

有眼利的網友還發現另一重點——「遠睇似係食緊滿漢全席喎」。網上截圖

網民指是「創新『和式風味』食法：立食！」。網上截圖

提到杯麵，最多人關心還是熱水問題。網上截圖

網民指「不一定窮遊，每個人生活水平不一樣，只能這麼說」。網上截圖

網民形容情況「何其壯觀」。網上截圖

另有網友認為「出嚟旅行，飯都無得食咁慘呀」、「窮遊呀」、「有麵食好過食風」。不過回應的網民反指「也不一定窮遊，每個人生活水平不一樣，只能這麼說」、「豐儉由人」、「每個人生活方式不同」，並引述自身經驗「我哋跟旅行團都有自費午餐啦！其實有乜嘢問題啫？！」、「去旅行有時都買定杯麵嘅」、「我係毆洲都會周街攞住個麵包咬。有問題咩？最重要識得收拾乾淨。旅遊嘅嘢，豐儉由人！」。

接著有人主持公道地稱，這可能是旅行社安排的問題，並表示「相信啲遊客都想好好坐低食」。愛說笑的網民則調侃「係創新『和式風味』食法：立食！」、「生活體驗團」、「體驗香港風味餐」、「真•街頭美食」、「晚餐是雙餸飯的，放心」、「再深D下次一人派一條魚肉腸（冇較剪）加一包菊花茶」。

提到杯麵，最多人關心還是熱水問題，紛問「熱水邊度攞？咁多杯」、「邊度嚟滾水？」、「去邊度攞水沖面」、「滾水那裏來？」、「何來咁多熱水冲杯麵呢？好奇一問」、「邊度有熱水？自備？」、「啲熱水邊度嚟？」。有熟行情的人回應「入便利店買有熱水沖茶淥麵」、「以前對面七仔有熱水免費供應的，但係現在已經改咗唔係喺七仔嗰到買嘅杯麵就唔俾用七仔D熱水了」、「嗰間七仔俾佢哋拎㗎，但唔好倒水落人哋個水機水槽到囉」。

有眼利的網友還發現另一重點——「遠睇似係食緊滿漢全席喎」、「已好富貴，食滿漢杯麵，成22元一個㗎」、「滿漢大餐，貴嘢」、「滿漢大餐成$23蚊碗高級嘢嚟」。

帖文來源：香港茶餐廳及美食關注組、大埔 TAI PO