本港社交平台今日（29日）熱傳影片，有四眼哥在港鐵疑偷拍短裙女被圍捕，女事主當場霸氣指罵：「你仲乜咁蝦靚妹！」眾人即時報警，但在等警察到來時，女事主突做一奇怪舉動，令網民震驚。
上載影片的網民指事件發生在昨日（28日），但未有具體交代事發的港鐵站站名。影片全長約22秒。
直擊四眼哥港鐵偷拍被圍捕 足本全程逐格睇（足本字幕版）↓↓↓↓
本港社交平台今日（29日）熱傳一段四眼哥在港鐵偷拍斷正的影片
上載影片的網民指事件發生在昨日（28日），但未有具體交代事發的港鐵站站名。
影片全長約22秒。
影片開頭聽到懷疑女事主尖聲大叫
現場有五名市民包圍一名戴眼鏡男子，其中一名短裙女子疑為被偷拍的女事主。(紅圈所示)
雙方一度拉扯，影片看到有其他路人走過，投以注目禮。
這時有包圍男子的市民大叫：「等差人嚟。」似乎已經報警。
疑偷拍的四眼男子不作一聲
他站在一旁，未再作出掙扎。
該四眼男子手裡拿著手機，有女市民大叫：「你唔好delete(刪除)佢呀。」
似為在等候警方到場時，擔心四眼男子藉機刪去偷拍相片。
被偷拍的短裙女子此時大聲斥罵四眼男子
短裙女子指著四眼男子大聲罵道：「你蝦我xxxx靚妹。」
四眼男子聽到罵聲未作回應
短裙女子繼續指罵：「你仲乜咁蝦靚妹！」
四眼男子仍不作聲
他只是眼望地下
其他四名包圍的市民看守著該四眼男子
等候警員到來
四眼男子右面一名市民抓著四眼男的手機
正當眾人都擔心四眼男會刪去偷拍相片時
該短裙女子竟大聲叫喊
她大聲叫：「你delete(刪除)佢先！」
被偷拍的短裙女子竟大聲要求四眼男刪去偷拍相片
女事主竟在等候警方到場時，要求刪去偷拍相片，其他包圍市民有點愕然。
但短裙女事主隨口補上：「我唔得閒同佢......」
似暗示因為趕時間，未知可以等到警方到來處理。
因此要求四眼男刪去偷拍相片便作罷
包圍市民似尊重女事主要求，即著令四眼男刪去偷拍相片
有包圍市民更要求查手機：「你放手，畀我哋睇吓先。」看是否已刪去偷拍相片。
影片未有交代事件結局。
但不少網民對於女事主在等候警方到場前，主動要求刪去偷拍相片，變相銷毀證據，感到非常震驚。
有網民直指，若打算刪去相片，便不應報警，否則警員到場亦未必有證據拘控偷拍者。
另有網民指出，就算即時刪相，亦未必代表疑犯無存底：「iPhone Delete咗仲可以搵返，有底。」
有網民亦指：「Delete有用咩，電腦有方法都可以拎返檔案出嚟。」
不少網民紛紛質疑女事主要求刪相的決定：「Delete完有證據？」「如果佢備份雲端，走咗又DL（下載）返。」
部分網民則認為若當事人不想追究，亦應尊重。
對於四眼男公然偷拍，網民批評行為「變態」「嘔心」。
對於現場有多名市民仗義圍補色狼，網民均大表讚賞，「應該攞好市民獎啦。」
直擊巴士阿叔大鬧城巴 一句說話露色心？（足本字幕版）↓↓↓↓
公共交通工具偶現性騷擾疑雲，本港社交平台本月（3月）18日熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。
本港社交平台本月（3月）18日熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。
（事件發生在天水圍，時間在本周三（15日）晚上。）
（涉事巴士為城巴967X，來往天水圍（天恩邨）及銅鑼灣。）
（有乘客拍攝到事發情況，片長約45秒。）
（事發在巴士上層。）
（有網民表示，當日司機接獲其他乘客求助，到上層協助。）
（影片看到現場有不少「吉位」，但有網民懷疑其他乘客因事件發生已經「落晒車」。）
（影片中鴨舌帽大叔坐在一名長髮少女隔離，巴士司機則站在兩人前面）
巴士司機：大家都係公民嚟啫，就一就啦。
大叔：咁你咪自己行囉。
大叔：有咩咁大件事呀。
巴士司機：咁人哋係女仔，讓吓女仔呀。
大叔：女仔驚乜嘢呀？
巴士司機：讓吓女仔啦，讓吓女仔啦。
大叔：唔係呀，女仔驚乜嘢啫，依家佢。
巴士司機：唔係，讓吓女仔。
大叔：驚我非禮佢？
巴士司機：唔係，唔係，即係唔係呢個意思，大家就一就啫。
巴士司機：佢又驚大家撞到你。
大叔：唔緊要呀，咪撞囉。
大叔：唔緊要呀，我都唔怕畀佢撞，你咁驚仲乜啫。
巴士司機：咁咪大家就一就囉。
大叔：點解要就呀？
大叔：就咗畀佢啦，咁樣仲唔夠呀？（大叔這時身體略向左側一側身）
大叔：點解要企起身畀佢呀？佢大啲？
巴士司機：唔係呢個問題呀。
大叔：哦，即係皇帝嚟嘅？
巴士司機：唔係，唔係皇帝。
大叔：武則天女皇？
巴士司機：唔關事，唔關事，大家就一就。
大叔：真係神經病。
大叔：已經就晒佢啦，已經咁啦。
大叔：仲唔夠過呀，你咪事呀？
巴士司機：唔好意思，真係，哎呀，佢又喊啦......（影片至結束）
網民批評該位大叔拒絕起身，讓少女離開。
有網民指出，當時大叔背後有吉位，其實可以轉到吉位坐，讓少女行過，「後面已經係吉位，佢起都起唔到身，咁應該落唔到車。」
有網民表示認得大叔，「呢條友經常以呢個方法搏懞㗎。」
有網民建議司機可以報警，因為有關大叔疑正在騷擾其他乘客。
網民：「條片睇到好多空位，點解咁多位，係要咁坐埋去，乜嘢居心？」
網民：「後面已經係吉位，點解佢唔起身？」「應該叫個女仔照出嚟，睇吓阿叔係咪非禮？」
有網民指出，大叔的罵語中「我都唔介意比佢撞」一句，已經透露其動機疑似「搏懞」動機：「自己都講咗出口其實想點啦。」
天眼直擊猖狂「鹹豬手」突襲少女↓↓↓↓
網絡近日熱傳一段天眼影片，有四眼鹹濕仔在本月(3月)初突從後偷襲少女，狂摸她的下體，影片引發眾怒紛紛批評色狼猖狂，尤其是色狼在「得手」後做出一舉動，令網民為之心寒。
-->
