林婆婆在電台快答問題環節回答「唱歌組合」時，卻因數白欖式狂rap菜名而一夜爆紅，港鐵、宜家甚至淘寶也在fb發帖抽水，笑翻網民之餘也有人展示實力，寫出一串比林婆婆更長的菜白欖——「菠菜西蘭花生菜西芹白菜椰菜花油麥菜小棠菜荷蘭豆甜豆肉豆黃芽白紹菜」。
港鐵靚抽林婆婆水：
「【鐵仔極速15秒】記得聽清楚問題先！請喺15秒內，講出附近買到菜嘅車站名～無論係生菜、白菜、芥菜、西洋菜、茼蒿菜、菠菜、定係菜心都得！再重複多次，題目係附近買到菜嘅車站名！（未諗到唔緊要，因為遊戲志在參與喔）#林婆婆陳公公李太太黃小朋友 #大人細路都啱玩 #非常努力咁嘗試 #呢一份努力值得大家學習㗎 #極速15秒」。
雖然網民笑指「竟然抽菜」、「水都被鐵仔抽乾晒咯」，但也認真回答：「長沙灣 荔枝角道（附近有蔬菜统營處）」、「菜意橋輕鐵站」、「香港大學站，車站附近有石塘咀街市」、「沙田站，旁邊係沙田街市」、「中環站，香港站，附近同有中環街市」。更有人銳意和林婆婆比併，數菜白欖「菠菜西蘭花生菜西芹白菜椰菜花油麥菜小棠菜荷蘭豆甜豆肉豆黃芽白紹菜」。
靚抽林婆婆蔬菜組合實況及網民回應：
宜家家居靚抽林婆婆水：
宜家家居fb小編則放上「任何蔬菜組合都啱用」的脫水器連結抽水宣傳產品，指「菜心、白菜、芥菜、茼蒿、生菜、唐生菜⋯無論你聽啱定聽菜都好，乜菜我都洗得！」，並指「蔬菜脫水最緊要快」。
網民大讚小編「有料到。想笑死人咩」，反問「15秒脫水？」、「依個兜裝到幾多歌唱組合呀？」，並建議「小編，送一個俾林婆婆啦」。貼文也立即招徠生意，被網民問「是否一隻色？」、「幾時會有貨？」。
淘寶靚抽林婆婆水：
淘寶fb放上種菜盆連結，指「如果你同林婆婆一樣，都係蔬菜組合嘅狂熱粉絲的話⋯呢個種菜盆啱晒你，親。#Taobao #淘寶 #買到買不到的種菜盆」。
網友也大讚小編「跟得好貼喎」，並有人搞笑問「有無杉菜（《流星花園》女主角）？」
林婆婆狂rap菜名爆笑重溫
港台節目《香江暖流》「極速15秒」環節，市民可致電玩遊戲，於15秒內答出最多答案即可勝出獲獎。林婆婆連線後，將主持人鄧添樂說出的「請喺15秒之內，講得出最多歌唱組合嘅名稱」，錯聽為「蔬菜組合名稱」：
主持：「預備，三、二、一。」
林婆婆：「菜呀，蔬菜呀？」
主持：「唔係菜呀，係歌唱組合嘅名稱。」
主持：「預備，三、二、一。」
林婆婆心急：「係咪菜呀？係咪菜呀？」
主持：「拿，聽清楚先，聽清楚先，問題就係歌唱組合嘅名稱。未開始計時嘅。」
林婆婆搶答：「菜心、白菜、芥菜、茼蒿菜、菠菜、生菜、白菜……」
主持：「林婆婆，林婆婆，停一停先，拿，未開始，聽清楚問題先，問題就係講得出最多歌唱組合嘅名稱。」
主持：「預備，三、二、一。」
林婆婆一口氣：「生菜、白菜、芥菜、西洋菜、茼蒿菜、菠菜……」
主持：「唔係菜呀！拿，計緊時㗎啦，仲有5秒。」
林婆婆繼續：「菜心、生菜……」
主持：「好，夠鐘啦林婆婆，唔好意思，條題目呢係歌唱組合嘅名稱，所以頭先係冇分嘅。」
主持：「但係唔緊要，志在參與吖嘛。」
相關新聞：
港台觀眾林婆婆答「唱歌組合」狂數菜名主持忍笑勁專業 前TVB主播專業分析聽錯原因
三兩下手勢切出骷髏藕片網民進階教學：切V就是外星人
連鎖食肆外賣菜心驚現肥美菜蟲西環街坊
外賣驚現肥美菜蟲將軍澳街坊斥餐廳冷處理惹議
同場加映：
「匪夷所思」活春宮！港島男女街頭擺梳化交歡 路人視若無睹
網絡近日熱傳一段影片，有港男港女晚上在港島街頭擺梳化，離譜地公然交歡，女上男下忘情上演活春宮，期間有路人在附近走過，更視若無睹，情況令人瞠目結舌。
這段「匪夷所思」的活春宮影片，近日在多個社交平台熱傳，獲大批網民關注熱議。有傳事發地點在中環蘭桂坊附近，但亦有指事發地點可能在銅鑼灣一帶，但始終莫衷一是，未能確實。
直擊男女港島街頭躺梳化交歡↓↓↓↓
