「才女」自以為靚恨做幕前未如願 煽動公司一姐失敗即炒
人最緊要有自知之明，否則就好似「才女」咁兩頭唔到岸。作為「才女」就梗係才華比樣貌佔嘅比重多啲，偏偏「才女」就係幕後中叫有兩分姿色同身材，咁你靠幕後出身，大家自然畀多幾分，因為你唔係販賣色相吖嘛。
可惜幾年落嚟，聽埋聽埋啲麻甩佬評語，以為自己真係畀幕後躭誤，可以全力進軍幕前。好幾次出嚟，打扮到好似隻雀咁，直情當正自己係女主角。最唔知掟嘅係佢以為自己有啲美色又後生，竟然想冧掂老闆送佢去進修，呢啲課程一啲都唔平，仲要飛十幾個鐘去上堂，之前見「外省妹」氹前夫畀咗兩球去進修，果然成績好好，又識到好多外國人，係一個衝出國際嘅機會。
但你都咪當老闆傻，又唔係自己條女，點解畀咁大投資喺「才女」身上？佢仲要唔識睇眉頭眼額，扭計唔簽約仲要加三倍人工，老闆心諗搵個後生聽話大有人在，直情當佢透明。「才女」份人好識氹自己認為有價值嘅人，佢搞到公司最得寵嘅「囡囡」心郁郁要搵佢幫自己拍代表作，於是成日煩老闆要開戲，但老闆明知「囡囡」唔啱做戲，後嚟知道係「才女」喺背後煽風點火，嬲到即刻吩咐高層唔使再同才女傾，完約就中止合作，送瘟神走費事影響軍心。
【相關文章】：
星8卦丨「花仔」玩到「初心」盡 幸得「叔叔」不計較重拾幸福人生
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
