有的士車cam影片瘋傳，暴躁男與司機爭執，越鬧越火，後座少女為「撲火」竟突然飛擒上前，多次狂咀嘴暴躁男，誰料越咀越㷫，後續發展更震撼。
的士情慾片4.0 少女飛擒暴躁男狂咀嘴 後續更狂｜全程逐格睇（足本字幕版）↓↓↓↓
(事發在上周日（16日）晚上約十時左右)
(的士車cam片估計事發在廣州，車上除左手面戴鴨舌帽的司機外，當有前座一名肥胖男子，與及後座一名女子和男子)
肥胖男子：依家有問題呀？影響你乜X嘢呀，依家？
的士司機：乜你脾氣咁暴躁㗎！
後座女子：唔係，唔係......我地飲咗酒啫！（後座女子即用手掩著男子嘴）
肥胖男子：依家影響你乜X嘢呀？
（後座女子飛撲狂咀嘴，企圖令其收聲）
後座女子：唔好，唔好，唔好咁啦！
肥胖男子：你係咪有病呀，依家！
（又再咀嘴）
的士司機：有乜病呀，你講乜嘢呀？
肥胖男子：講乜X嘢唔得呀，依家！
的士司機：你講乜嘢呀？
後座女子：唔係，唔係......
肥胖男子：講乜X嘢唔得呀！
的士司機：你脾氣咁暴躁嘅，依家！
肥胖男子：係咁㗎啦，郁我呀，笨！（被女子掩嘴）
後座女子：唔係，唔係......
肥胖男子：郁我呀！
的士司機：我郁你做乜嘢呀？
肥胖男子：你郁我，我就打X死你！
後座女子：唔好，唔好......司機，唔好......
肥胖男子：我就係咁X暴躁㗎，得唔得呀！
肥胖男子：得唔得呀！你阿媽個XX。
（女子掩住肥胖男子的口）得啦，得啦！
肥胖男子：仲乜X嘢！
的士司機：你好似好暴躁喎！
肥胖男子：（手指指司機狂罵）我係好暴躁呀（接著一連串粗口）
的士司機：你唔好咁樣鬧人呀，我講你知呀！
（肥胖男子繼續一連串粗口）
的士司機：呢到有鏡頭拍低㗎，我話你知！
肥胖男子：有又點呀，我有無打你呀！
肥胖男子：我係咁暴躁㗎啦，點呀？
後座女子：我哋飲咗酒......
的士司機：飲咗酒唔係咁呀？
肥胖男子：係咁㗎啦！
的士司機：依家坐車啫......
肥胖男子：坐車啫，坐唔好關係X事呀！依家係唔係坐邊到都關你X事先，係唔係！
後座男子：我哋坐車呀，想點就點㗎啦，你管乜呀！
的士司機：你依家係影響我！
肥胖男子：影響你乜X嘢呀！
的士司機：你唔使咁大聲！
肥胖男子：我就係咁大聲，咁點呀！
的士司機：我報警㗎！
肥胖男子：報啦，報啦！睇吓我影響你乜X嘢！
肥胖男子：我點坐關你X事，你開車就開車，搵錢就搵錢啦！
的士司機：我有無講乜嘢先？
肥胖男子：你講咗啦！
的士司機：我講咩？
肥胖男子：你講佢咁坐影響你開車呀嘛。
的士司機：你事實係影響我開車呀。
肥胖男子：影響你乜X嘢呀。
肥胖男子：你講出嚟影響你乜X嘢？（手指車cam鏡頭，似示意由車cam錄下）
的士司機：我唔講啦，我唔講啦！
肥胖男子：點樣影響你？
肥胖男子：（一串粗口）人哋坐邊關你X事呀？
後座女子：你溫柔啲呀，我哋坐後面，無影響到你㗎！
的士司機：我都無講乜嘢。
肥胖男子：你有無講！你有無講！（影片至此結束）
影片全長近3分鐘，影片顯示，事發在上周日（16日）晚上約十時左右，發生地點在廣州。
有傳衝突起因源於後座女子依偎在身旁男子，司機提醒他們坐好，引起前座男子不滿所致。
網民對於女事主的火辣滅火行為議論紛紛：「咁搞只會越咀越㷫！」「肥仔畀你攪到仲㷫！」「嘈交未必係重點，會唔會係肥仔想咀嘴？」「一想咀嘴就爆粗，暗號嚟㗎！」「搞到個車廂㷫恰恰。」「司機大佬好嘢，全程一句粗口都無！」「司機係老僧入定，一片冰心。」「個女仔咀完又嘈，想點？笑死！」
網絡上月（3月）屢傳涉及的士的情慾車cam片，至今已有三宗。
的士情慾片3.0｜的哥發片控靚女6招色誘搲著數 網民3字回應反高潮↓↓↓↓
有夜更的士司機發片，公審一些摀低身色誘司機的女乘客，指她們常扮女友態度來「氹司機搲著數」，更總結出這些女乘客常用的6道「色誘」板斧，並附上車cam片「證明我唔係性幻想」，引來網民熱議。
有夜更的士司機發片，公審一些摀低身色誘司機的女乘客，指她們常扮女友態度來「氹司機搲著數」，更總結出這些女乘客常用的6道「色誘」板斧，並附上車cam片「證明我唔係性幻想」，引來網民熱議。
有夜更的士司機在「的士司機資訊網 Taxi」FB專頁發片，表示夜更的士司機「唔中都有啲引誘」。
他以親身經歷，總結出6種常遇技倆。
樓主表示：「奉勸各位師兄，如果遇著呢啲情況，最好出少啲聲，落車就收錢算，一遇到呢啲蜘蛛精，分分鐘無幾皮野都埋唔到單呀。」
他更為了證明「我唔係性幻想」，發了一段45秒疑似被「靚女」色誘的影片。
（影片全長約45秒）
（拍攝時間為昨日(22日)凌晨近3時）
（女乘客問司機取紙巾）
女乘客：你有無紙巾。
（司機遞上一盒紙巾）
女乘客：唔使咁多，一張得啦，你擺返落去，哈哈。
女乘客：好想瞓。
（到站時女乘客摀低身付車資）
女乘客：畀張單我呀。
（女乘客摀低身等找贖）
該位的士司機再提出他遇到的「6大色誘招數」包括：
（1）上車後突然好熱情咁同你傾計，問你幾點收工等...
（2）突然間由後座烏(摀)前個身，到你手臂位咁傾計。
（3）你講乜廢話，佢都笑得好開心。
（4）臨落車扮好(唔)捨得，係咁多謝你，又話無現金，要你俾個電話佢轉數快過數，之後隔兩日又問你得唔得閒車佢
（5）全程車，你會覺得佢扮緊女友既態度嚟同你傾計，唔知真係以為識咗好耐。
（6）全程扮醉，落車俾錢時就好清醒。
網民熱議事件，有網民表示多謝司機提醒：「色字頭上一把刀。」
網民：「我樣衰兼老，好彩冇遇過！」
