「大家姐」轉脾性要人服侍 事事要求神憎鬼厭
人要變起上嚟真係好似撞鬼咁㗎！「大家姐」出咗名好人，多年嚟亦因為太順得人，所以好多人都蝦到佢幾乎冇掟企，搵笨仲要唔畀錢，但風評好好，大家都好尊重佢。以前做完啲工作，「大家姐」總係好有感恩心，會買啲小禮物送畀工作人員，謙虛又踏實。
但「大家姐」自從美夢成真，得到自己恨咗好耐嘅功名終於到手後，佢開始成日畀擦鞋仔埋身，好話講盡，成個人都飄飄然，成日將自己同另一個「寸嘴」阿姐比較。
人哋有兩個近身，佢要求3個，去邊都要啲近身出去視察環境返嚟報告，多咗好多功夫要跟進。試過有次近身做得唔夠俐落，佢即刻同高層反映，話要炒咗呢個人。大家覺得一份工啫，唔駛去到咁盡，將近身調走，問題就嚟嘞，個個聞「大家姐」喪膽，搞到無人肯跟佢，高層依家真係頭都大埋。
最恐怖係「大家姐」專挑雞毛蒜皮小事化大嚟嘈，好似啲相影得唔靚，會發爛渣鬧個攝影師係咪眼盲，要去睇眼科醫生，尖酸刻薄到話以後都唔接佢嘅Job，費事人格受辱。仲有呀，去到邊大家都要好尊重咁叫佢，叫漏嗰個就會畀人炳，Call番轉頭再叫過，總之天怒人怨，大家都叫苦連天。
【相關文章】：
星8卦丨「才女」自以為靚恨做幕前未如願 煽動公司一姐失敗即炒
星8卦丨「花仔」玩到「初心」盡 幸得「叔叔」不計較重拾幸福人生
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
