一對男女到沙田愉翠商場一餐廳準備用膳，疑不滿落單後半小時未上菜，截單離開時，該名女食客遷怒餐廳收銀員，肆意指罵，氣燄囂張地拋下金句「你企樓面就要受氣」後拂袖而去，令同場顧客側目。網民看不過眼女子的行為，大鬧「無理取鬧」，指「關收銀乜事」、「畀幾廿蚊當自己大客」。
樓主昨日（23日）在facebook討論區「香港茶餐廳及美食關注組」上載長約18秒的短片時附上事件背景，指該對男女「落咗單半粒鐘冇嘢到要cut單冇問題，但係又搵收銀姐姐發洩怒火無理取鬧」，並形容女子拋下的「你企樓面就要受氣」真係金句嚟。
女食客與收銀員對答實錄：
收銀員：「你係咁鬧我做乜嘢啫？」
女食客：「服務態度咁差！」
收銀員：「唔係我炒㗎！」
女食客：「咁你對客㗎嘛，對客係咪咁樣呀！」
收銀員：「你黐線，咁客係客，你唔可以鬧我㗎嘛！」
女食客：「咩叫唔可以鬧你，你企樓面就要受氣，話畀你聽！」
女食客：「哈，你對客㗎嘛依家！」
惡客怒罵收銀員逐格睇及網民回應：
回應的網民出來主持公道，指事件「關收銀乜事」、「畀幾個錢要搵人出氣」：
「壓力大」、
「無理取鬧」、
「真係冇品」、
「推到道歉」、
「無同理心」、
「抵佢出名」、
「心理有問題」、
「好大嘅官威」、
「收銀只負責收銀」、
「都唔關收銀事㗎」、
「寃有頭，債有主」、
「畀幾個錢要搵人出氣」、
「畀幾廿蚊當自己大客」、
「又扮晒大爺，自己煮啦」、
「曲型香港人，特別係港女」、
「以為自己畀緊幾千蚊一餐」、
「真係無家教。罵人手指指」、
「做人！其實人品都重要㗎」、
「鬧收銀有乜用，又唔係佢煮」、
「畀幾十蚊食嘢仲要搵人出氣」、
「佢哋應該以後餐餐食魚生唔使煮」、
「有本事就直衝入廚房閙個廚師嘛」、
「遇著假期惠顧餐廳是要等半小時的」、
「記住有錢無錢都要有品，學懂尊重」、
「幾十蚊淨係買個餐㗎，唔包畀你鬧」、
「一啲都唔尊重前線嘅人員不知所謂」、
「呢個女人D仔女真係唔好做飲食業呀」、
「點解唔去搵經理，喺度鬧收銀有何用」、
「畀茶餐廳價錢要五星級服務，西客多的是」、
「人哋打工做服務，有本事入廚房Ｘ廚房佬」、
「對客就要受氣，即係妳畀錢就可以搵人嚟出氣」、
「聽佢兩公婆啲語氣，我以為佢買咗十幾萬嘢食添」、
「做工唔包括受氣，那大媽罵收銀女士真是無理取鬧」、
「我打工要受你個客氣咩。公司畀很多錢睇心理醫生咩」、
「現在乜人都有，只顧自己，乜嘢叫做這行就要受人氣」、
「係鬧經理，經理再鬧返廚房同服務員，鬧個收銀仔有咩用」、
「如果唔係集團式， 係個體戶食店， 個客肯定畀人插到出門口」、
「香港真係好多呢種人，無論咩場合都蝦d以為比自己低級嘅人」、
「佢夠薑咪踩入廚房囉，又唔敢得罪啲廚房佬，淨係識蝦啲阿姐」、
「乜嘢叫做坐得呢個位就預咗被人鬧，咁呢位女仕返工有無預帶埋阿媽返工？」、
「Cut單就cut單啦，樓面姐姐都控制唔到廚房出菜快慢，夠膽就踩入廚房嘈，畀果少少錢當自己大爺咁」、
「可以向經理投訴，同時在網上說出來，叫其他人盡量不要幫親此店。一但鬧人，就是你哋唔對，無得講」、
「鬧樓面無用，係廚房做唔切，退單都得，想點呢，難道斟茶叩頭咩，大家包容吓啦，一時衝動無益打埋人，靶都有得受」、
「其實顧客同食店員工地位都係平等，乜嘢叫「你樓面就要受氣」？講嗰個有冇用過個腦？己所不欲，勿施於人呀！太太！」、
「哇，甚麼意思噢，做飲食不是人嗎？干嘛要受氣？ 如果客戶是對我們飲食業的同行都會道歉，但是這一句話就得罪所有飲食業的員工，杯葛你無理取鬧，不會尊重他人行業， 有時候真的不能等就不要下單，趕時間不要排隊」、
「大家尊重大家…食客雖係畀錢方…但食肆員工同為打工人…樓面亦唔係固定要受食客脾氣…疫情後外加消費券壓力…而公司一般無增添人手…食肆前線員工亦係唔好受…廚房以往2人工作量變為1人工作…互相理解…就少好多爭執…等得耐…可以取消…無問題嘎…一食肆廚房員工…走過路過…留下一則感受…」。
惡客怒罵收銀員逐格睇及網民回應：
另有網民討論等半小時未上菜的問題：
「半粒鐘係過份咗嘅」、
「好似叫焗飯，要半粒鐘左右」、
「晚市等半小時都好正路啫，又唔係唔煮畀你」、
「等半個鐘又真係太誇張！但係都唔洗咁嘈嘅！」、
「趕咪屋企食杯麵囉！半個鐘話耐唔耐啦！如果個場係Full（滿），問過有做僅我唔會再追」、
「正常客落order時， 最好講清楚要好耐， 我食個間係咁樣， 結果我等咗45mins先到， 我又無嘢， 明白繁忙時間多單」、
「我都試過開工放飯係外賣檔叫咗外賣，出晒啲先嚟後到嘅小食單，45分鐘先開始炒個飯畀我，Ｘ有咩用，唯有係以後唔幫襯嘅啫」、
「外賣企半個鐘等，又的確好考耐性，唔係人人都忍到，如果後過你張單的出先（有時有啲廚會就自己方便，未必順張單的次序煮），會更嬲」、
「外賣半個鐘係幾本， 唔等得嘅自己去7仔買三文治！落單先後次序唔等於取外賣先後次序， 唔通第一個買咗十樣嘢， 第二個買得一樣嘢， 唔通要等第一單嗰十日嘢齊哂畀咗客先再畀第二單嗰一樣嘢客人？」、
「人哋收銀打份工，做好自己本份，唔係老奉要受你氣，體諒人哋能力範圍有冇錯，如果要自抬身價，洗幾個臭錢就就可以對人…，咁應該係你人生中嘅反射，替你難過，有病及早睇醫生，準時食藥，可控制病情」、
惡客怒罵收銀員逐格睇：
帖文來源：香港茶餐廳及美食關注組
同場加映：
「男友視角」巴士猥褻影片瘋傳 車廂露體纏綿現「神之手」
多段以「男友視角」拍攝的巴士猥褻影片在網絡瘋傳，當中有女子扯衫露體，亦有男女光天化日下，在巴士行駛中的車廂大玩「神之手」，尺度大膽，涉嫌在公眾地方進行猥褻行為觸犯法例。
近日在多個社交網絡，有人以「男友視角」為題發布多段涉及巴士猥褻行為的影片及相片，影片共有兩段，分別長約8秒及11秒，另有一張猥褻相片。
巴士猥褻影片熱傳 「男友視角」車廂纏綿
該批影片及相片拍攝時間不詳，但從影片中人均戴有口罩估計，應在新冠疫情發生後拍攝。
【巴士猥褻影片瘋傳｜影片逐格睇↓↓↓↓】
兩段影片中的事主均坐在巴士車廂靠後「4人位」，首段影片看到一名少女左顧右盼後，突然扯衫露出胸部。另一段影片則看到一名女子沒有穿著內褲，而負責拍攝的男子則將手伸向女子下體進行猥褻行為，期間女子仍在看手機，從該影片周遭環境估計拍攝時巴士正在旺角彌敦道行駛。至於流傳的相片亦相類似，這次女子俯伏坐椅。
