網民近日熱議一段慈雲山大媽搭「霸王的」的影片，大媽搭的士拒付款，更落車大暴走，四處攔截經過汽車，想搭順風車逃竄，期間更大嗌指追她欠車資的士司機「打劫」，有知情網民指該大媽有更爆前科。
事發地點在晚上的慈雲山中心一帶，大媽在搭的士到目的地後未付款即開車門逃走，的士司機報警後一直尾隨，並用手機拍攝。
慈雲山大媽搭「霸王的」大暴走 屈司機打劫 街坊揭仲有「呢啲」更爆前科｜足本字幕版↓↓↓↓
(影片由追車資的的士司機拍攝，女子拒付車資，並攔截一部路過的士，企圖上車逃竄。)
女子：停係到，叔叔，等陣先，叔叔。
追車資司機：佢痴線㗎！
女子：唔係痴線！
女子：叔叔！
追車資司機：佢搭的士唔畀錢，又係到發癲。
女子：唔係發癲既問題，叔叔，
該部被截的士司機：小姐，關唔關我事呀，唔關我事，唔該行開呀。
追車資司機：佢神智不清㗎，你唔使同佢講。
女子：神智不清，你唔使揸住個相機呀。
女子：神智不清？吓，你係乜水呀？
追車資司機：之前搭完車，唔肯畀錢，仲係到發癲。
女子：唔係，唔係呢個問題。
女子：叔叔，叔叔，叔叔，叔叔（企圖打開的士車門，但不成功）
（其後的士開走，女子再攔截一部私家車）
追車資司機：喂，你唔好走呀！
女子：對唔住呀，叔叔！
女子：你畀我上車先呀！
女子：我同佢（指追車資司機）嘈交。
追車資司機：唔使理佢呀，佢搭的士唔畀錢發癲呀。
女子：唔係唔畀錢呀，佢依家上網呢，跟住然之後呢......
追車資司機：快啲走呀，唔好理佢。
追車資司機：我報咗警呀！
女子：你報咗警，又so what？
追車資司機：你等警察嚟囉。
女子：咁咪點呀？
女子：關你咩事呀？
追車資司機：唔關我事，等警察嚟囉。
女子：咁咪so？
女子：我唔知佢咩意思呀？
(企圖打開私家車車門)喂，叔叔，come on yeah
（私家車這時駛走）女子：咁即係點呀？
追車資司機：畀錢，一係等警察嚟。
女子：我畀錢，it's ok
女子：但係你唔好騷擾我，得唔得呀。
追車資司機：無人騷擾你呀，你搭的士就咁走咗去。
女子：咁你唔好騷擾我，得唔得呀。
追車資司機：邊個騷擾你，痴線，警察嚟緊㗎啦。
追車資司機：你等呀，你係到發癲都無用。
女子：你唔好騷擾我，O唔OK？你唔好騷擾我呀。
（女子又再企圖逃走）追車資司機：你唔好走呀。
女子：你唔好騷擾我呀。
追車資司機：警察嚟緊，你唔好走。
女子：乜嘢呀？
追車資司機：警察嚟緊。
你唔好騷擾我呀hello。
（女子突向途人求助）
女子：叔叔！佢騷擾我呀，我畀人打劫緊呀，騷擾我。
追車資司機：警察嚟緊，你唔好嘈。
女子：佢呀，騷擾我呀。
女子：我畀人打......
追車資司機：你繼續發癲。
（女子其後沿樓梯向下疾走，司機即快步尾隨）
追車資司機：喂，你唔好走呀，大佬。
追車資司機：喂，你唔好走呀，我報咗警㗎啦，等陣你係逃犯嚟㗎。
追車資司機：我影晒相。
女子：你騷擾我呀。
影片吸引不少慈雲山街坊留言，他們紛紛指該女事主為走數「慣犯」。
有網民指之前亦試過搭的士「走數」。
有網民更爆料指，該女事主經常由慈雲山搭小巴到佐敦，「坐小巴都唔畀錢，發癲走數。」
小巴司機們最後認得佢，「每次佢唔畀錢就唔畀佢上車。」
「佢有次搭的士又屈人非禮，搞到好多差人嚟咗。」
有街坊聲稱該女事主正在其樓下，不時會撞見，「佢出名麻煩，無人夠膽做佢生意。」「佢嘈起上嚟，乜都講得出！」
不過，有街坊則指曾做過女事主生意，但平安無事：「之前幾年前有幫佢整眼睫毛，有俾錢我。」
有關影片並非最新拍攝，事件在年多前發生，相關事件的影片近日再在社交平台翻熱流傳。
部分網民指，片中女子廣東話口音及外貌似為東南亞籍，並非華裔人士。不少慈雲山街坊留言指女事主為慣犯，應該報警將她繩之於法：「似high咗野喎！」「佢幾多歲，叫人叔叔。」「點解要騷擾我，哈哈，好似係你騷擾司機大佬。」
同場加映：港鐵MMA｜古惑男一拳未發竟KO對手 網民：呢種戰略好犀利！↓↓↓↓
網民近日熱議一段東涌港鐵的鬥格MMA影片，兩名男子因故發生肢體衝突，奇特之處是其中一名男子不發一拳竟全程穩佔上風，成功KO對手，不少網民分析，指這名古惑男用了一項犀利的戰略。
東涌港鐵奇特MMA 不發一拳如何KO對手？↓↓↓↓
網民近日熱議一段東涌港鐵的鬥格MMA影片，兩名男子因故發生肢體衝突，奇特之處是其中一名男子不發一拳竟全程穩佔上風，成功KO對手，不少網民分析，指這名古惑男用了一項犀利的戰略。
片中涉及的兩名男子，一名身材較胖的灰衣男子與另一名高瘦綠衫男子(紅圈所示)爭執。
綠衫男在影片開頭在港鐵站外指罵
另一名身材較胖灰衣男這時衝到
港鐵職員攔阻不住
灰衣男衝向綠衫男所站位置
灰衣男攀出欄杆
綠衫男即時走開
灰衣男尾隨緊追
但綠衫男已跳回港鐵站範圍
灰衣男在站外指罵
灰衣男在站內跟隨綠衫男游走
灰衣男隔著欄杆指罵在站內的綠衫男
綠衫男則在站內遠遠和灰衣男對罵
這時灰衣男始乎正欲走入站內，綠衫男即時拔腳而跑。
綠衫男跑向欄杆，準備攀出。
綠衫男剛一跳出閘外，灰衣男即追至。
由於有欄杆阻隔，灰衣男始終無法「埋身」。
灰衣男指，剛才被綠衫男推落電梯。從影片看到，綠衫男疑打人後，即採四處游走的策略。
-->
