奧尼屈堅斯今季為阿士東維拉攻入14個英超入球，屬球隊首席射手。Reuters
曼城喺周中技術性擊倒阿仙奴之後，只係差「槍手」2分兼打少2場，爭冠之戰似乎完咗。另一邊廂來屆歐洲賽席席位爭奪戰鬥到如火如荼，執筆嗰陣第三名嘅紐卡素同第六名嘅阿士東維拉只差7分，當然各自場數有唔同，但係當曼城季初試過輸畀賓福特，般尼茅夫都贏到利物浦，諾定咸森林能大勝白禮頓，英超再無強弱隊之分，一、兩場波之後排名可能大幅改寫。
紅魔曼聯雖然上場被熱刺追和，但暫時喺歐聯席位嘅爭奪形勢上未算被動。睇返曼聯對上一次喺主場輸波，已經係上年歐霸盃分組賽一球僅負皇家蘇斯達，連續廿五場主場各賽事不敗。今場曼聯主場迎戰阿士東維拉，雖然有奧脫福地獄主場嘅加持，但艾爾認為都唔係咁易應付。
阿士東維拉喺烏尼執教後判若兩隊，近10場聯賽8勝2和，𠲖家竟然有機會爭奪歐洲賽席位，不得不服呢位西班牙籍領隊嘅功力。艾爾覺得奧尼屈堅斯同貝安迪亞喺前綫嘅化學作用非常顯著，反擊相當有威脅。今場作客奧脫福可能會被圍攻，但曼聯後防始終唔太穩陣，客隊好大機會憑反擊製造入球機會。兩隊狀態不相伯仲，艾爾今場推介讓球半一下盤。艾爾
-----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
