本港近年出現移民潮，與移民有關的問題逐漸浮面，有網民在facebook「香港討論區」以「申請父母移民幫手湊孫」為題發文，引述親戚的情況，指為人子女的竟然要求在彼邦同住的父母繳交住宿費和伙食費，雙方最終不歡而散。網民看不過眼，批評為人子女一方做法過分，並提醒「親生仔不如近身錢」，應以此事為鑑，以作警惕。
樓主有關移民帖文及網民回應：
樓主講述詳情，指「最近有個親戚移咗民去英國，搵到地方落腳之後叫埋佢兩老過去幫手湊孫方便佢地搵工。兩老一到埗佢嘅仔女就叫佢哋兩老每月畀返數千蚊住宿費佢哋，另外要夾返每星期買餸錢！最後老人家覺得委屈拒絕移民！移咗民嘅仔女嬲咗兩老收起晒佢地帶過去嘅儲蓄唔畀返佢地鬧咗一場大交」。
樓主坦言「呢d事真係聞所未聞」，續指「兩老由細到大好錫對仔女。結婚又幫佢哋畀晒首期又資助咗大舊錢畀佢哋移民，估唔到過到外國仔女要求佢兩老交住宿費同夾返伙食，好心酸。大家點睇」？
在回應網民時，樓主不禁補充，指「有d位仲衰，𣎴過唔敢網上講太詳細。最後父母走時佢仔女對父母講嘅嘢真係令人痛心！最重要係佢父母堅好，由細到大咩嘢最好都留畀仔女，又唔虎媽，咩都順仔女意思」。
網民加入痛罵行列
回應的網民似乎深切感受到兩老的苦況，加入痛罵行列，「咁樣真係好過份」、「好賤格」、「嘩！有冇咁衰格呀！」。另有網民提醒，「俗語有話，親生仔不如近身錢，死咗有剩咪畀囉」、「有錢就自己使咗佢，唔使留畀仔女～」。
對於他人的家事，網友指出：
「中間好似省略一萬咁多件事」、
「應該有好多深層次矛盾冇講……」、
「移乜嘢民，想搵24小時工人就真……」、
「人哋家事理唔到，但外人可以此為鑑，作為警惕」、
「一家唔知一家事，你只係道聽塗說，聽下就算啦」、
「如果係真的話，真替兩老可惜，生咗不孝又自私嘅仔女，兩老就算唔幫手揍孫，仔女提供食宿費生活費都係天經地義」。
還有網民放上唐代詩人白居易的《燕詩》讓大家重溫，以作警世：
「梁上有雙燕，翩翩雄與雌。銜泥兩椽間，一巢生四兒。
四兒日夜長，索食聲孜孜。青蟲不易捕，黃口無飽期。
嘴爪雖欲敝，心力不知疲。須臾十來往，猶恐巢中飢。
辛勤三十日，母瘦雛漸肥。喃喃教言語，一一刷毛衣。
一旦羽翼長，引上庭樹枝；舉翅不回顧，隨風四散飛。
雌雄空中鳴，聲盡呼不歸；卻入空巢裏，啁啾終夜悲。
燕燕爾勿悲！爾當反自思：思爾為雛日，高飛背母時。
當時父母念，今日爾應知！」
根據教育局資料，《燕詩》簡析：
「孝是中國傳統美德，儒家以孝為仁之本，認為父母辛勞地養育子女，子女也應誠心孝順父母。《燕詩》反映的就是傳統孝道精神。
詩歌記述雙燕撫育雛燕的辛勞，以及失去雛燕的悲傷。作者又批評雙燕應易地而處，反思當日高飛背母，令父母傷痛的行為，借此提醒人們應本於仁道，心念父母養育之恩，好好孝順父母。」
帖文來源：香港討論區
相關新聞：
一家之主慘遭家庭欺凌 網民陣腳大亂：月入6萬仲要受老婆仔女氣？
結婚廿年發現「老公出面有女人」 人妻瀕崩潰 網民咁開解......
發帖呻婚後愛情消失 新手人妻無奈總結：勝過獨行
呻與夫平淡如水人妻發帖圍爐 竟突然自爆曾有外遇......
夫妻情侶出街食飯全程唔講嘢 網民理性分析結論係......
人妻呻老公成日返大陸過夜 網民獻計圖一招封喉
人妻想搬開唔同老爺奶奶住又怕兩老嬲 網民有計仔......
港鐵故障致人妻出軌斷正 夫捉姦在床後反應令人意外
同場加映：
野蠻婆婆大鬧將軍澳 喪罵路人2分鐘 霸氣撻朵：你知我咩嘢人嚟呀？
網絡熱傳一段野蠻婆婆大鬧將軍澳的影片，婆婆懷疑排隊時發生爭執，激動喪罵路人長達2分鐘，期間大放霸氣厥辭：「我最憎呢到啲人，一啲文化都無！」更囂張撻朵：「唔好立亂得罪人，你知我咩嘢人嚟呀？」令人側目。
事發在本周三(22日)上午7時左右，地點在將軍澳寶琳。
直擊野蠻婆婆大鬧將軍澳 喪罵路人霸氣撻朵（足本字幕版）↓↓↓↓
網民紛紛批評罵人婆婆橫蠻無禮，「失禮嘅係自己！」「依家咁樣鬧邊個先無文化？」「生活壓力好大。」
同場加映：巴士阿叔鬧喊少女阻落車 坐隔離賴死唔郁 網民指一句話露色心
本港社交平台熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。
直擊巴士阿叔大鬧城巴 一句說話露色心？（足本字幕版）↓↓↓↓
