飲完茶行山，和行完山飲茶都常見，但行緊山飲茶食點心卻稀奇得多。有山友昨日（5日）以「仲有咁高，唔行啦，食完落山」為題，在facebook專頁「香港行山新手交流區」晒出遠足時歎一盅兩件，開懷食蝦餃、燒賣、牛肉球的相片，引得網民垂涎三尺，也熱烈談論如何在荒山野嶺安全地蒸點心。另有網民搞笑地指，「以為聊齋嘅情節」、「有啲似拜山feel」。
回應的網民先搞笑地發悔氣稱「最唔鍾意啲人行山食點心嘅，重要有蝦餃、燒賣、牛肉球，真係令我怒憤呀～」。看著兩籠蝦餃、燒賣、牛肉球兼滾水靚茶，實情令網民艷羨不已。
行山蒸點心實況及網民回應：
行山食點心網民好羡慕：
「犀利」、
「好享受」、
「好吸引」、
「行山高景界」、
「好有儀式感」、
「儀式感好重」、
「享受式行山」、
「真係好寫意」、
「好靚.....啲點心」、
「識玩梗係咁玩」、
「別有一番風味」、
「哇哇，真豐盛」、
「犀利，有點心食」、
「行山定吃點心呀」、
「生活追求！好正」、
「太高端了有品味」、
「似係野餐多過行山」、
「行得舒適，食得招積」、
「特登行咁高飲茶，好嘢」、
「好叻叻啊！攞住咁多嘢行山」、
「第一次見行山餐可以咁豐盛」、
「既然有蒸籠，即場蒸熟，好味道！」、
「咁有心機帶埋幾籠點心拼盤冲埋茶上山歎啊！」。
野外蒸點心的新穎做法，激發網民小宇宙，排隊講出大堆諗頭：「流動茶樓」、「開鋪定行山 ？」、「莫非山上開咗間茶樓」、荃灣「川龍都有得飲茶喎」、「冬天打邊爐」、「下次上去打邊爐啦」、「好吸引。帶堆架生和食物在標高柱擺檔，有得做」。
網民及後關注環保議題和實際的山野蒸熱點心技術：
網民先關心：「揹上去唔會焗壞（點心）咩？」
樓主回應：「雪硬上到去先蒸」。
網民接著問：「茶唔熱，點心又凍，好差啫」、「怎番熱，帶煲？」、「可以生火？邊條線？」、「執柴燒？點蒸？」
樓主回應：「唔駛生火，依家電池技術咁成熟，孭舊鋰電上去無火蒸煮」。
其他網民搞笑回應請瀏覽以下圖片：
網民還有其他意見：「蒸籠都帶埋」、「佢好似自己砌了個爐，真係叻」、「可惜都有點心包裝袋」、「夠環保喎，唔用外賣盒成個籠拎上山」、「佢好似帶埋個爐整返熱，勁有儀式感好正」。「最重要把垃圾帶走」、「眼睇以為道具，好有feel欣賞大自然同吃，請做個有山品的山友，帶走一切個人物品 及垃圾」。
接著有網民大煞風景地稱：
「以為聊齋嘅情節」、
「仲以為你祭祖添」、
「對紅色快子頭，真的似」、
「冇插住嘢食喎，放喺個籠上面都唔得㗎？」、
「有冇個爐蒸返熱？清明時節，有啲似拜山feel」、
「唔該你對筷子，唔好咁樣插係食物上，以為你拜神」。
帖文來源：香港行山新手交流區
同場加映：
公屋改造術｜230呎火柴盒變3房「大戶」引議 一部冷氣涼全屋？
一間二百多呎的公屋，要變成三房大戶，實在非常困難，有裝修師傅分享經驗，竟成功將一間230呎火柴盒公屋，變出三間房「大戶」，而且完成裝修後可以靠一部冷氣涼透全屋，其經驗引來不少網民熱議。
該裝修師傅在網上公開其裝修經驗，分享改造細節。
230呎的骰公屋如何變3房大戶？（足本字幕版）↓↓↓↓
