收到請帖是否事必要「畀人情」？以下有例子可參考——樓主早前以「收到紅色炸彈， 派帖同事做奶奶請飲，平時除咗工作，冇乜共同話題，唔想去，是否要畀人情？」為題，在網上「香港討論區」發帖狂呻。
樓主帖文及網民回應：
在帖文中，樓主表示，「一返到就收到紅色炸彈，派帖同事做奶奶娶新抱請飲， 唔係上司又唔係同部門，平時除咗工作，冇乜共同話題！」續稱「佢派畀全公司， 我唔想去亦唔想畀人情， 因為真係除咗工作冇乜計傾！而且佢好是非，佢係後面非議過好多同事， 我是否必須要畀人情？」。
網民細讀情況後，有人堅決拒送人情，有人則無奈建議守禮：
「包嗰100蚊利是畀佢」、
「如果冇咩野，我會照畀」、
「佢張帖有冇餅卡？如果有，封番少少錢畀佢就算」、
「照收帖但唔會去同畀人情，或者可以夾張紙寫祝新人白頭到老回返帖畀佢」、
「畀條毛佢啦。不過見你咁驚佢，你都係畀夠2000元，兼出席當同人暖下場啦，當交保護費啦你咁怕佢就」、
「是非精通常都愛攞人著數，如果你心理素質強，直接唔去，唔畀人情，或者自己會當跌一二百蚊，唔去畀少少就算」。
堅決拒送人情的網民則建議：
「唔使理」、
「直接話唔去」、
「跌咗睇唔到」、
「當冇事發生」、
「最怕呢d同事」、
「臉皮厚就無敵」、
「唔好去，唔使畀」、
「照去唔做人情，誰怕誰！」、
「普通同事請乜鬼飲呀。 打劫」、
「同佢講，第日佢哋搞冥婚先至一次過連帛金補上」、
「呢幾年我已經唔去唔畀！都知以後冇來往！何必蝕錢畀佢」、
「做奶奶派帖？仲成公司都派？明搶錢，如果唔係friend嘅話，就唔使畀面啦」。
帖文來源：香港討論區
相關新聞：
廿歲港女為飲衫煩惱 網民經驗之談：唔使穿晚裝最好著呢樣......
同場加映：
大媽黐「近全裸」猛男跳有味辣舞 頭枕私處舞姿超不雅
網絡瘋傳影片，台灣一班大媽在慶典上與「近全裸」猛男跳不雅辣舞，頭枕私處，舞姿勁似性交動作，在網上引來熱議。
影片全長約1分39秒，地點在台灣嘉義，當時在似在日間舉行慶典酒宴，一名肌肉猛男圍繞著一群中年女子跳不雅辣舞。
影片記錄了「近全裸」猛男與兩名中年女子的不雅舞姿，現場氣氛火熱，當有味動作出現，眾人即起哄，有人持手機拍攝，兩名女子亦非常亢奮，跳完後，亦會主動打賞。
【大媽黐「近全裸」猛男辣身舞｜不雅舞姿逐格睇↓↓↓↓】
