民主派47人參與「35+」初選，涉嫌計畫立法會過半無差別否決財案被控，16人否認串謀顛覆國家政權罪。新界西協調會議一名與會者今早於西九龍法院開始作供，交代自己事前特意買來錄音筆和「細細個嘅攝影器材」，分別「用錄音同埋錄影」紀錄會議，「了解下佢哋搞35+話想推翻政府嘛」。《國安法》實施後同年9月、10月左右，X將錄音檔和影片燒錄光碟，匿名報案交予警方。
第4名控方證人X開始作供，交代自己2019年聖誕節後2020年農曆新年前多次在泛民飯局中，聽到戴耀廷分享「35+」概念，目的在立法會過半後2次否決財政預算案來癱瘓政府，逼使特首下台，「19年區選之後佢對立會有信心，提咗好多次」。X續指自己當時無政治聯繫，獲2017、2018年左右認識的人民力量梁家聲邀請，一同出席5月8日位於元朗世宙地下區議員辦事處的新界西協調會議，因為對方有意參選新界西。
X交代自己事前特意買來錄音筆和「細細個嘅攝影器材」，分別「用錄音同埋錄影」紀錄會議，《國安法》實施後9月、10月左右，將錄音檔和影片燒錄光碟，匿名報案交予警方。被問到是否公開抑或偷偷攝錄時，X憶述會議「現場冇人提過唔畀錄音呢樣嘢」，「我唔知佢哋知唔知，（錄音筆）我就噉擺喺袋度」，引來哄堂大笑，X續指攝影器材則「全程攞喺手度，有時擺枱度」。被問到何不使用手機攝錄時，X解釋因為「唔想擺敏感資訊擺手機」，而且避免手機因事暫停攝錄，加上錄音筆清晰得多。
被問及攝錄原因時，X解釋「我喺5月8號之前，戴耀廷喺唔同場合有提過嗰個35+想去推翻政府啦，喺5月初梁家聲邀請我去嗰個會，我覺得直情係討論35+嗰個會，係咪有機會做個紀錄，所以我去買咗攝錄器材紀錄返來自己了解下，了解下佢哋搞35+話想推翻政府嘛」。X又指「我覺得噉好有問題，唔係為社會做嘢」。《國安法》指定法官李運騰追問下，X指當時「自己攞來研究，唔認同諗住攞畀警方」。其後又被問到何以匿名報案時，X解釋「因為畀呢樣嘢警方係諗住幫警方調查，因為對呢件嘢唔想我曝光有麻煩」。控方透露片長約2小時。
大律師黃廷光代表施德來交代施德來今早快測呈陽性，預約了今晚看診，現可繼續受審，《國安法》指定法官陳慶偉安排施德來到空置延伸庭受審。
署理助理刑事檢控專員羅天瑋播放X攝錄的多段片段，共長約6分鐘，部分時間拍到戴耀廷及時任元朗區議會主席黃偉賢，鏡頭經常搖晃，時而倒置，有時拍向枱底或地下。片中戴提及各區討論共同綱領，內含條款「會運用基本法賦予立法會權力，包括否決財政預算案」，指「新界東用嘅字眼係『會運用』」、「其他區都係用呢個『會積極運用』」，又指「話晒我都係憲法專家，將最重要權力寫落去」、「如果我哋否決財政預算案呢，先行到落去下一步」、「中間會唔會又解散立法會一至兩次呢，寫落去呢又會令件事比較複雜」。
兩次錄取證人供詞均未提及有11段片段
盤問下X同意自己並非初選組織者或參與者，又解釋2021年4月29日及5月4日兩份證人供詞中均未提及戴曾指要推翻政府，因為「佢話要逼使特首落台，我理解係我覺得逼使特首落台就係推翻政府」。X交代2020年9至10月匿名寄出了11段片段後，翌年兩次錄取證人供詞均由警方主動聯絡自己，然而兩次均未提及自己拍攝了上述11段片段。
X同意片段有時拍向天有時拍向地，被問到鏡頭是否劇烈搖晃時，X解釋當時「揸住喺手度，當時冇特意影邊個，做個紀錄」。大律師沈士文代表黃碧雲及林卓廷共3次追問其可想穩定鏡頭時，X先後回應指「但我唔係一個專業攝影人士」、「我又冇留意，揸住喺手度」、「我當然希望想穩定啦，但我冇噉嘅技術去做嘛」。李官問X是否不欲他人知悉其拍攝，X答「冇話唔想畀人知，當時我攞住部機，相對算大方周圍影」，X承認當時沒有問准組織者或與會人士。
李官其後多次追問由5月到9、10月，X拍攝片段後進行了甚麼研究，X先指自己翻看和翻聽了片段音檔2、3次，其後再答「了解清楚佢噉做有冇問題」。李官重申問題，X又指自己「唔係法律人士，想睇下法律但又唔識呢啲嘢，當時有啲官、政府人士話初選呢啲嘢可能會違法，跟住我覺得真係有問題，加上《國安法》通過之後，所以我決定將啲片寄出」。X最後才回答指自己曾「上網搵相關資料，但唔識呢啲嘢搵唔到」。
《國安法》指定法官陳慶偉日前批准匿名令，各方須以X稱呼第4名控方證人，批准X在屏風後作供並以特別通道出入，禁止任何人披露可識別其身份的資料，違者即屬藐視法庭，可判處監禁及罰款。
法庭記者：陳子豪
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
