著名粵語片紅星嘉玲去年11月1於泰國家中在睡夢中離世，享年87歲，嘉玲姐離世消息公佈後，她與TVB資深演員黃栢文的母子關係意外曝光。黃栢文在媽媽的喪禮上坦承：「喺咁短暫嘅人生，有幸同你結為母子，如果有來生嘅話，我毫不猶豫，期望同你再做一次母子。」身兼演員和導演、橫跨影視圈超過40年的黃栢文，日前接受「演藝人協會」的訪問，他笑說：「希望大家仲認識我，黃栢文仲喺度呀。」
【相關閱讀】：嘉玲泰國喪禮現場丨華僑丈夫傷心遙望愛妻化輕煙 大仔黃栢文：期望再做一次母子
【點擊睇黃栢文在圈中經歷】：
黃栢文入行前因在一間航海學校業畢業而去了行船數年，但其後因為前輩在船上因工業意外離世，於是令他下定決心轉行，湊巧TVB和麗的的藝訓班招考，於是黃栢文決定報名，誤打誤撞下入讀了TVB第六期藝訓班，與呂良偉、陳玉蓮、廖偉雄、劉雅麗和廖安麗等人是同學。不過畢業兩年做了兩年藝人，但因沒有價值而不被續約，當時他一心打算重拾海員的身份，竟接到一個「亦師亦友」的電話，這個人是鄭則仕，黃栢文說：「佢問我有冇興趣轉做幕後，將我推薦入當時嘅群雄兄弟，基本上都係邵氏嘅班底，有李修賢、王鍾同藍乃才等人，就開始咗兼顧幕前幕後嘅工作，亦都同李修賢修哥合作，由第一部嘅《單程路》直到萬能影業，一直合作無間。」
黃栢文第一套執導電影是《霹靂先鋒》，與同屬新人的周星馳合作，可惜因為給自己的壓力太大，最後發現自己患上淋巴癌：「拍《雷霆掃穴》已經確咗診，但係一路醫一路拍，拍咗三分之二之後，因為要做化療，抵抗力好弱，醫生唔畀我出街，要留喺屋企休息，好彩劉偉強幫我埋尾。」幸好最後抗癌成功，與李修賢安排下，轉做行政同執行監製，不過為了女兒，他決定離開香港，移民到加拿大生活：「我希望可以睇住個女成長， 如果我繼續留喺電影圈，唔畀自己休息，好難可以生存。」
最後黃栢文舉家移民加拿大，一去就去了10年，談到回流返港的原因，黃栢文坦言不外乎是錢：「銀行存款就嚟見底，喺女讀大學，就同太太返香港，想個女學獨立，萬一自己唔喺度，佢都可以照顧媽咪。返嚟之後，我做過飲食業，但係自己嘅脾氣頂唔順，之後有一次同鄭則仕食飯，撞到幾個電視台高層，鄭則仕同佢哋講話我想拍番戲，隔咗幾個月TVB搵我返入去，成功做返藝人。」黃栢文形容自己係「老牌新人」，所有事情要重新學習：「我哋而家邊有得揀，派到乜嘢角色都會演，最多冇興趣咪唔接，但係我冇諗退休，由爸爸演到阿公，畀人淘汰咪算，最緊要無負做呢行嘅熱誠，唔會完成脫離呢個圈子，有機會咪繼續演落去，直到冇得演出為止。」
【其他文章】：
張兆輝晒老婆青澀靚相放閃示愛 結婚26年百看不厭網民羨慕好浪漫
一舞傾城丨「最後處女」陳星妤舊照流出傳整容 膚色變白鼻樑下巴疑加工堅稱只做醫美
楊卓娜送工人姐姐純金戒指感激付出六年青春 一家人送機囡囡不捨爆喊
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
