現年52歲的息影艷星鄭艷麗，近年已甚少公開露面，曾因厭食症令體重暴瘦至90多磅，去年9月最嚴重時更被送入醫深切治療部（ICU），身體狀況令人擔心。因此，她經常留家休息，無法外出工作，她早年更曾發文透露被人誤會說謊，工作時又常被同事欺負。她近日又在社交網發千字文透露近況，稱遇到一個好老闆，終於可重投社會工作。
【相關閱讀】：51歲艷星鄭艷麗患厭食症暴瘦 罕發百字交代近況話中有話？
【點擊睇鄭艷麗近況】：
鄭艷麗近年的健康情況反覆，曾分享一張手上插喉入ICU的照片，據稱是因身體電解質過低所致。因為自身健康問題，所以她不能像正常人天天上班，她最近則在IG透露：「之前做大集團嗰啲公司都唔能夠體諒我，所以會時時轉工，因為佢哋冇辦法接受到我返吓工又唔返工。喺3月份有個朋友介紹我去間私房菜度做，本來唔想去，因為地區比較遠。因為冇嘢做，唔想成日喺屋企，所以就決心去見吓，見得成功，就開始喺3月21號上班⋯⋯點知好景不成，4月我又中咗招，之後身體又一直咁差落去，所以只係返得11日工。」
幸好獲老闆娘及同事體諒，她感謝老闆娘知道其身體狀況，除想為她醫病，甚至每天給她喝燉湯。她寫道：「本來每日放工返屋企都會嘔，個胃又會痛得超厲害，而家都有嘔，但係至少冇胃痛，我感覺好窩心，好有溫暖，世界上某啲地方真係仲有人情味嘅。其實我係好缺乏畀人愛惜嘅，而家每日都覺得好有溫暖、有人愛惜我，所以一定要同大家分享。我諗我而家應該可以做到退休，唔使再成日轉來轉去啦！」她最後指感恩上天給她一份好工作，又感謝老闆娘及所有員工，但表明不會公開工作地點，避免有傳媒前來追訪。
在越南出生的鄭艷麗，1988年參加TVB《1988銀河接力大賽》取得女主角組冠軍後入行，之後加入電影圈拍下多套經典三級片，被封為「最美艷星」，並曾到台灣發展。不過自2010年短暫復出後又再息影，亦曾被拍到在快餐店工作，不過從其社交網上載的家中照片所見，環境相當闊落，而她本人雖受健康問題困擾，但仍保養得宜。
【其他文章】：
36E咪神陳婉衡影泳照迎生日！一招令上圍更突出 性感指數力壓同框33C余思霆
簡慕華玩失蹤學寵物美容由揸鉸剪練起 素顏晒畢業證書46歲靚爆鏡氣質依然
黃翠如蕭正楠結婚5周年高調放閃 送全套鑽飾製造驚喜遭撞破掃興收場
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
