資深藝人溫裕紅(Esther)於5月19日安詳離世，終年54歲。溫裕紅在2005年不幸確診患上乳癌，當時已經擴散到淋巴，不過一直積極樂觀抗癌，接受化療時要剃頭同包頭巾，到2010年，好友林淑敏亦被確診患上乳癌，溫裕紅曾以過來人身份陪伴林淑敏走這條抗癌路， 對於好友逝世，林淑敏感到十分傷心，她以短訊回覆《星島頭條》：「交番畀佢屋企人同藝人之家嘅長輩回應！」
【相關閱讀】：資深藝人溫裕紅本月19日因病離世 終年54歲
【點擊睇溫裕紅與林淑敏抗癌經過】：
2005年發現患乳癌的溫裕紅，需動手術把左胸割掉，同時接受重整手術：「醫生將我整個左邊乳房切走，然後喺腹部𠝹開一呎，抽出部份脂肪同皮膚，作為修補左胸乳房手術，胸部傷口好似雞蛋咁大。」手術後還要接受化療，這個經歷道竟然令她流淚：「我打完化療針，手腳嘅神經線會出現紊亂情況，試過有次腳板神經線好似畀蟻咬咁，好唔舒服，我喺停車場都迫於無奈除咗鞋襪，將腳板放平地冰冷吓，畀佢靜止吓，又試過喺快餐店問人攞冰放喺腳板，呢啲情況令我好尷尬，咪喊咗出嚟。」
港姐出身的林淑敏，因主持節目而認識溫裕紅，二人同是教友，私交甚篤， 2005年溫裕紅患乳癌後，林淑敏擔心得手足無措，但可以做的事情不多，唯有陪伴則，不斷為好友鼓勵和打氣，最後溫裕紅成功擊退癌魔，但想不到在2010年，林淑敏發現右胸有硬塊，原來是前期乳癌，她選擇連居於加國的家人都被蒙在鼓裏，只將病況告知幾名朋友，溫裕紅是其中一人。林淑敏曾在訪問上表示，當時一邊接受治療，一邊上網攞料，同時還向溫裕紅求教抗癌貼士。
不過當日聽完好友的分享後，林淑敏一度怒火中燒：「佢好輕描淡寫話化療冇乜嘢，好似重感冒，我聽完嗰一刻好嬲，好想掟電話，立即㩒住啲火收佢線。」待心情平復後，林淑敏決定堅強面對，繼續接受化療，雖然有一段時間變成光頭，但化療期間，林淑敏以食療配合，增強抵抗力，所以幾乎沒出現過任何副作用，回想溫裕紅曾用重感冒比喻化療，她笑言非常貼切並說：「真係好感恩。」
【其他文章】：
溫裕紅逝世丨沙田屋邨長大父母任小販及雜工養活六兄妹 曾認年輕時反叛
溫裕紅逝世丨最後露面同林建明飯敘身形消瘦戴頭巾笑容燦爛 離巢後生活低調拒談近況
溫裕紅逝世丨精神病親姊曾欲登報脫離關係無奈寄託宗教 自小與父母疏離患癌後主動認錯
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
