67歲許思敏因演出《愛．回家之開心速遞》的接龍清潔女工「群姐」而為人所熟悉，近年更被人稱呼做「伊莎貝拉群」，又或是「群姐」所取代，但她一點都不介意並笑說：「你嗌『群姐』我好開心喎，證明你有睇我做戲，亦都因為你鍾意睇我做戲，先會咁樣叫我！」從事「特約演員」超過35年的許思敏，在2022年更獲TVB簽約成為合約藝人。
【點擊睇群姐開心開工相】：
日前群姐接受演藝人協會的訪問，談到不用開工的日子，許思敏回復師奶的身份：「我會飲吓茶，而家搵啲錢，咪去做吓facial扮吓靚，等啲人唔以為『群姐』仲乜咁嘅樣，要靚靚哋出街。」許思敏在24歲結婚，婚後育有三子，現時更有四個孫，生活當然很開心，但原來婚後不久因肝炎而不能工作，她說：「醫生叫我要多啲休息，唔好太操勞，所以咪專心做家庭主婦，因為兒子的關係，令她入行做演員：「我啲仔細個嘅時候好靚仔，有人搵佢拍教育電視，我帶佢哋去，點知有一日，有個媽咪甩底冇嚟到，有個助導問我可唔可以拍，我話『梗係好，好玩！』埋位即刻做，所以之後都有搵我拍。」
後期許思敏家庭事業兼顧，她笑言家人沒有出聲，於是當他們不反對：「始終我哋係特約演員，時間唔啱嘅話咪唔會接，可以有呢個彈性安排。」在過往曾經演出過的角色中，最喜歡一定是「群姐」這角色：「唔好話暫時，直頭係代表作，唔好話街坊睇得開心，連演員都合作得好開心，好難得。」亦因為這角色，為她帶來了不少工作：「可能佢哋覺得我好開心，帶畀人好多歡樂，所以咪搵我拍啲啱家庭主婦嘅廣告。我唔介意人哋話我係『御用清潔工』，我自己做得開心，過到自己咪得，唔使介意。」
至於人生的失意事，許思敏說：「一定會有，但係我覺得開心又一日，唔開心又一日，我好阿Q精神，唔開心咪去買吓嘢，同人傾吓偈，心情自己就好。」她還說未有想過退休：「拍到冇人搵先算，我冇諗過退休，拍戲呢個工作唔係太辛苦，雖然係時間長，但係做乜嘢工都要時間，如果畀我重頭嚟過，我都會揀返做演員。」
【其他閱讀】：
三太陳婉珍戴巨鑽現身酒會同二房千金好啱傾 四太梁安琪以行動粉碎不和傳聞
陳茵媺用「窮人恩物」認證廚藝高手身份 最愛Hermès手袋住豪宅都超貼地
姚子羚加國探小背心鍾嘉欣 網民集體回憶15年前《金石良緣》姊妹情
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
