金塊有約基治坐鎮，熱火想偷雞機會甚微。AP
今季NBA季後賽特別好睇嘅原因，其一就係熱火呢支黑馬球隊一直過關斬將，成為史上第2支第8種子球隊勇闖冠軍賽。而金塊總決賽首仗輕鬆取勝，相信很多球迷都會認為，金塊奪得總冠軍的機會非常大。而事實上從第一戰的表現，金塊取勝游刃有餘，約基治上半場只出手3次，最後取得「大三元」，熱火如何發力都追不上。
從大賽經驗來看，熱火近4年內第2次打進總決賽，雖然比金塊較為佔優，但陣容對位上，金塊反而佔了更大的優勢，熱火在約基治的對位上已經非常頭痛，約基治經常在三分綫頂位置策應，熱火以艾迪巴約對位，內綫防守就會出現問題。另外在進攻上，金塊的約基治、占姆梅利、米高波特加上艾朗哥頓呢個組合，進攻穩定，出手選擇好，第一戰合共取得83分，熱火真係要有更多奇兵先可頂得住，而且要將比賽節奏拉得更快，才可與金塊周旋，同時艾迪巴約在禁區的進攻破壞力要更具侵略性。係唔係真金不怕洪爐火？熱火加油！梁國成
-----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
