土瓜灣「麵粉伯伯」是區內集體回憶之一，惟近日驚傳他早於3月猝死九龍城一後巷，之後因身上無身份證明文件，亦沒有人認領遺體而被葬於沙嶺公墓。街坊Victor不忍麵粉伯伯被草草安葬，決定自告奮勇，聯絡殯儀業界及區議員，又帶頭牽線各位街坊為麵粉伯伯處理後事，「佢係我哋土瓜灣嘅一份子，陪住大家一齊成長，希望幫得幾多得幾多」。
相關新聞：土瓜灣「麵粉伯伯」離世 遺體無人認領葬公墓 熱心街坊牽線處理身後事
Victor向本網表示，警方周一發稿呼籲市民提供消息後，多名土瓜灣街坊在群組討論，懷疑死者是「麵粉伯伯」劉滿，其後有街坊致電警署查詢，又形容麵粉伯伯的衣著外觀，最終獲得確認，「伯伯十年如一日都係赤膊，著一條深色短褲或捲起的長褲，佢張手作檯寸步不離，經常擺喺身邊，上面寫住劉滿走江湖」。
他憶述自己居住土瓜灣逾20年，從小到大都見到麵粉伯伯在區內擺檔，用一雙滿布皺紋的手搓成一個個色彩繽紛的卡通魚造型麵粉公仔。他指麵粉伯伯從來不會主動「撩人講嘢」，非常文靜，但總面帶笑容，為人友善，而且為人有骨氣，沒有申請綜緩，從不接受他人金錢的接濟，只靠一雙手賺錢，自給自足，「送錢畀佢唔要，連口罩都唔要，乜都唔要，疫情嗰陣諗住送口罩畀佢，佢死都話唔要」。他指上一次見到麵粉伯伯已是今年二月的事，「嗰陣佢喺北帝街木廠街嗰邊出現過，佢仲話好凍，之後就好耐無見過佢出現喇」。
對於麵粉伯伯突然離世，Victor感到痛心，又指麵粉伯伯陪伴自己成長，早已是土瓜灣的一份子及街坊之間的集體回憶，「細細個已經見過佢，去到邊都見到佢，所以佢係一個熟悉的陌生人，即使佢唔太出名，無人知佢叫咩，但係街坊見親佢都會幫手買一兩隻麵粉公仔，佢嘅足迹聯繫咗好多土瓜灣街坊」。目前Victor希望可以以非親屬身分領取遺體或骨灰，為麵粉伯伯的後事盡一點心意。
區議員：對麵粉伯伯的身分姓名毫無頭緒
九龍城區議員楊振宇表示，自己在區內長大讀書時，已見過麵粉伯伯工作，估計麵粉伯伯已在區內賣麵粉公仔有30多年。他更帶領記者走訪麵粉伯伯昔日擺檔地點，包括馬頭圍道馬頭角道交界等。他透露現時許多街坊都向他聯絡，稱與麵粉伯伯一場相識，希望能出手相助，讓伯伯不用葬在公墓，而是可以在正式靈位安息。
不過楊振宇提到，過往接觸麵粉伯伯時，對方多數只是「笑笑口」，很少其他交流，「有時食嘢，食完就好匆忙走咗」，對其背景並不了解，因此提供協助有難度。他解釋，第一現時他和街坊們對其身分姓名仍毫無頭緒；第二即使找到伯伯身分證件，亦按程序理應是由家屬認領遺體，因此困難重重。他強調社區對伯伯身後是相當關心，他會盡量提供協助。
--
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
