康子妮昨日（16日）出席完好友溫裕紅喪禮後，受訪時突爆一句「可能下一個係我都唔定」，她今日（17日）到九龍灣出席慈善電影《世上只有爸爸好》欣賞會時表示其實自己想法並不是那麼負面：「離開嘅時候，我只係諗其實我哋嗰期嘅主持，好似陸陸續續都因病離開，我嗰刻喺度諗，如果我真係聽日要離開，我留低啲乜嘢俾我最愛嘅人呢？留低幾多錢呢？」
【相關閱讀】：溫裕紅逝世丨男友陪抗癌痊癒後突然被分手 終遇真命天子結婚12年恩愛如昔
【點擊睇眾星撐電影《世上只有爸爸好》】：
康子妮笑言講完感慨友人逐一離世一事後，也覺得是否應該要澄清，不過就指囝囝並非第一次聽到她說這些事情，因為自己是保單捐贈的代表，並指保單捐贈是一件很有意義的事情，皆因能幫助很多慈善機構，康子妮謂自加入這個行業，也會特別留意身體狀況之餘，亦會接觸很多這方面的資訊。
聞林作「抽水」被炒：我諗個人本質都係善
提到同樣身為保險從業員的林作早前因荷里活廣埸命案抽水被炒，康子妮表示每個人的作風並不同：「佢有好多客，有好好嘅關係，如果個人唔好，好難有好多客，我諗個人本質都係善，佢之前都有幫過捐贈保單，佢之前同鍾培生嘅拳賽都有喺自己平台推廣。」至於是否怕林作這件事會影響保險業形象？康子妮說：「應該咁講，講多啲關於幫個客賠咗幾多錢，唔係我哋自己搵到幾多錢，呢個係我唯一覺得可以做好啲嘅地方。」
另外，康子妮透露稍後將會為容祖兒演唱會擔任33場和音，她指雖然已離開幕前，但很感激有人仍記得自已，找她唱和音，問她是否有興趣《中年好聲音2》，她笑言比較喜歡唱和音，若要獨唱則是另外一回事。
陳敏兒讚亡夫廖啟智家教好
同場的陳敏兒到場看亡夫廖啟智主演電影，陳敏兒分享智叔生前點滴，敏兒指智叔家教好，教兒子見到乞丐也會捐錢，到智叔病重時亦叫她要關心朋友。陳敏兒早前已跟兒子一起看過《世》，她指再看這部電影，相信會不同感受，現時她亦全情投入生活和工作中希望將智叔離世對她的打擊轉化成能量，為社會再做更多事情，延續智叔精神。
支持器官捐贈當舉手之勞
陳敏兒又指多年前已做了器官捐贈的手續，她指這是舉手之勞，也是將已離開的生命延續，她又指智叔已不經不覺離開了兩年，但離世後仍然可以為社會帶來那麼多的影響，遺作仍可以為別人籌款及宣揚正面訊息：「呢個生命真係燃燒到盡，原來盡咗之後都仲有用，我都有死嘅一日，呢個對我嚟講都係一個激勵，有啲乜嘢生前預備定去做，當我死咗仍然可以祝福呢個世界，我都希望向智叔學習。」正在做生死教育方面工作的陳敏兒指每個生命也很獨特，喜歡煮食的人可將食譜傳承給下一代，就正如講故事屬強項的她，正計劃今年以這個賣點做Youtuber：「我同3個仔建立關係，佢哋細細個我晚晚都講故事，我覺得講故事好有影響力，我希望搜集一啲有意義嘅故事，我覺得可以永續傳承落去，呢個係我暫時嘅計劃。」
另外，智叔其中一部遺作《別叫我賭神》即將上映，陳敏兒指待電影上映後亦會捧場，問到再看智叔的演出會否有特別感觸，她就指未知，更透露智叔應該還有四部遺作未上映：「不過《世》我就好鍾意，因為係一套好有意義嘅戲，雖然唔係乜嘢大製作，我諗智叔嘅心願都係想拍一啲對社會有影響嘅戲。」
【其他閱讀】：
細細粒陳嘉佳勁減20磅即暴飲暴食 「節制式」啪30籠點心只係少少飽
前港姐謝嘉怡高衩裙美腿若隱若現 當選後曾暴脹瘦身成功上圍更豐滿
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
